Sachaščyk patłumačyŭ, chto ŭvojdzie ŭ biełaruskuju vajskovuju čaść
Na ŭčorašniaj pres-kanfierencyi Valeryj Sachaščyk abviaściŭ, što va Ukrainie stvarajecca biełaruskaja vajskovaja čaść. Jana budzie mieć sučasnaje ŭzbrajeńnie, u tym liku artyleryju. Ci značyć heta, što jana abjadnaje ŭsich biełaruskich vajaroŭ?
Sachaščyk patłumačyŭ «Našaj Nivie», što vajskovaja čaść užo stvorana, idzie kamplektacyja, pryznačany kamandzir.
Pieravažna jana budzie kamplektavacca biełarusami, ale budzie i nievialikaja kolkaść hramadzian inšych krain.
Ci abjadnaje heta čaść kalinoŭcaŭ, «Pahoniu» i inšyja farmiravańni biełaruskich dobraachvotnikaŭ? Sachaščyk kaža, što pakul tak pytańnie nie staić, ale pa žadańni vajary mohuć pierachodzić tudy.
«Ja nie budu siłaj nikoha prymušać tudy pierachodzić. Nie chaču ŭstupać ni z kim u kanflikt va Ukrainie».
Učora padčas pres-kanfierencyi Sachaščyk tłumačyŭ, u čym budzie zadača čaści.
«U pieršuju čarhu — heta abarona Ukrainy ad ahresii. Razam z tym my chacieli b aściudzić haračyja hałovy ŭ Biełarusi, jakija, ja miarkuju, płanujuć udzieł u ahresii. Vielmi chaciełasia b, kab da hetaha nie dajšło.
Heta siła, jakaja nie pojdzie niejkim maršam na Minsk. Ja razumieju, što takija dziejańni niemahčymyja ciapier, i naohuł takija dziejańni mahčymyja tolki pa mandacie Rady biaśpieki AAN. Nivodnaja ź jeŭrapiejskich krain nie daść dazvoł na svajoj terytoryi stvaryć niešta dla ahresii ŭ adnosinach da inšaj dziaržavy, — adznačyŭ Sachaščyk. — Razam z tym, heta siła, jakaja ŭraŭnavažyć uzajemaadnosiny ciapierašniaj ułady biełaruskaj i bolšaj častki narodu, jakaja vykazałasia na vybarach za pieramieny. I ja ŭpeŭnieny, što na siońnia paŭtareńnie scenara 2020 hoda niemahčymaje».
Kamientary
vied́ jeśli b nie znała Džuzieppie Arčimboldo, kotoryj žił jeŝie v XVI viekie,
to vozmožno smotrieła b na etoho Leru druhimi hłazami... śvietinymi-"śvietłymi")
opańki. a čto - Zapad pomoŝ Statkieviču sovsiem nie davał?