Sud Partyzanskaha rajona Minska 5 listapada zaviaršyŭ razhlad kryminalnaj spravy 53-hadovaha žychara stalicy Vadzima Kalinina. Jaho abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa.
Sudovy praces viała sudździa Natalla Dziadkova, piša «Viasna».
Zhodna z pradjaŭlenym abvinavačańniem, Vadzim Kalinin u lutym 2022 hoda, vykarystoŭvajučy svoj mabilny telefon «Xiaomi Redmi 6A», pakinuŭ u sacyjalnaj sietcy Instagram pad publikacyjaj akaŭnta «minsk_news» z vyjavaj Alaksandra Łukašenki kamientar abraźlivaha charaktaru ŭ jahony adras.
U sudovym pasiadžeńni mužčyna svaju vinu pryznaŭ u poŭnym abjomie.
Śledstvam ustanoŭlena, što Kalinin byŭ raniej sudzimy, nieadnarazova pryciahvaŭsia da administracyjnaj adkaznaści, pa miescy žycharstva charaktaryzujecca admoŭna. Bolš taho, jon staić na ŭliku ŭ Minskim haradskim narkałahičnym dyspansiery z dyjahnazam «chraničny ałkahalizm».
Sud pryznačyŭ Kalininu pakarańnie ŭ vyhladzie pazbaŭleńnia voli na termin adzin hod z adbyvańniem u papraŭčaj kałonii va ŭmovach ahulnaha režymu. Taksama da jaho buduć užytyja prymusovyja miery biaśpieki i lačeńnia ad chraničnaha ałkahalizmu.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary