Biełaruś na vučeńniach budzie pradstaŭlać ministr abarony Leanid Malcaŭ.
Alaksandr Łukašenka nie pryjedzie ŭ Kazachstan 16 kastryčnika na zaviaršalny etap vučeńniaŭ Kalektyŭnych sił apieratyŭnaha reahavańnia (KSAR) ADKB.
Pra heta paviedamlaje RIA Novosti sa spasyłkaj na pres‑sakratara MZS Kazachstana Iljasa Amarava.
«Biełaruś na vučeńniach budzie pradstaŭlać ministr abarony Leanid Malcaŭ», — skazaŭ jon.
Atrymać aficyjnaje paćviardžeńnie hetaj infarmacyi ŭ pres‑słužbie kiraŭnika Biełarusi pakul nie ŭdałosia.
Pavodle słoŭ Amarava, na vučeńni zaprošany ŭsie kiraŭniki dziaržaŭ arhanizacyi.
Svoj udzieł paćvierdzili prezidenty Rasii, Kyrhyzstana, Tadžykistana i Armienii. «Dźmitryj Miadźviedzieŭ, Kurmanbiek Bakijeŭ, Emamali Rachmon i Sierž Sarhsian prybuduć u Kazachstan u čaćvier u druhoj pałovie dnia», — skazaŭ Amaraŭ. Pakul niama dakładnaj infarmacyi ab tym, ci budzie prysutničać na vučeńniach kiraŭnik Uźbiekistana.
Pavodle źviestak BiełaPAN, ad Biełarusi nazirać za aktyŭnaj fazaj treciaha etapa sumiesnych kompleksnych vučeńniaŭ ADKB užo adpravilisia ministr abarony Leanid Malcaŭ i namieśnik dziaržaŭnaha sakratara Savieta biaśpieki Stanisłaŭ Zaś.
Rašeńnie ab farmiravańni KSAR było pryniata padčas niečarhovaj siesii Savieta kalektyŭnaj biaśpieki ADKB 4 lutaha hetaha hoda prezidentami Armienii, Biełarusi, Kazachstana, Kyrhyzstana, Rasii, Tadžykistana i Uźbiekistana. Adnak pahadnieńnie ab stvareńni KSAR 14 červienia ŭ Maskvie na samicie arhanizacyi padpisali tolki piać krain‑udzielnic. Biełaruś i Uźbiekistan dakumient nie padpisali. Alaksandr Łukašenka nie pajechaŭ u Maskvu z‑za «małočnaha» kanfliktu z Rasijaj.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary