U Minsku pačaŭsia zavočny sud nad Alaksandraj Hierasimieniaj i Alaksandram Apiejkinym
U Minskim haradskim sudzie pačaŭsia zavočny sud nad zasnavalnikami Fondu spartyŭnaj salidarnaści Alaksandraj Hierasimieniaj i Alaksandram Apiejkinym. Ich abvinavačvajuć u zaklikach da sankcyj (č. 3 art. 361 Kryminalnaha kodeksa).
DziaržSMI biadujuć, što Hierasimienia i Apiejkin byli apavieščanyja naležnym čynam, ale ŭ sud nie źjavilisia. Sankcyja pa hetym artykule — da piaci hadoŭ źniavoleńnia.
Paviedamlajecca, što nieadnarazovyja zakliki da mižnarodnych arhanizacyj pryviali da admieny niekatorych spartyŭnych mierapryjemstvaŭ na terytoryi Biełarusi. Taksama była naniesiena škoda nacyjanalnaj biaśpiecy Biełarusi ŭ palityčnaj i sacyjalnaj śfierach. Naohuł uron aceńvajecca ŭ 853 tysiačy rubloŭ.
U pryvatnaści, byŭ admienieny čempijanat Jeŭropy pa viełasipiednym sporcie na treku. Jak rastłumačyŭ dyrektar Biełsportazabieśpiačeńnie (arhanizatar mižnarodnych mierapryjemstvaŭ, jakija pravodziacca na terytoryi Biełarusi) Maksim Azanovič, jaki vystupaje pradstaŭnikom hramadzianskaha pazoŭščyka, ustanovaj byŭ apłočany ŭniosak 200 tys.ieŭra ŭ suviazi z namierami krainy pravieści hety čempijanat. U dalejšym ad jeŭrapiejskich struktur było atrymana list ź infarmacyjaj ab admienie mierapryjemstva, pry hetym ŭznos nie viartaŭsia.
Akramia taho, śćviardžajecca, što Hierasimienia i Apiejkin ahučvali zakliki nie dapuskać spartsmienaŭ biełaruskaj zbornaj da spabornictvaŭ, u tym liku na Alimpijskija Hulni, pad dziaržaŭnym ściaham. «Jany prapanoŭvali spartsmienam rychtavacca za miežami krainy, abiacajučy finansavuju padtrymku», — havorycca ŭ abvinavačvańni.
Taksama na minułym tydni pačaŭsia sud nad administratarami «Čornaj knihi Biełarusi».
-
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła
-
Interpał vydaŭ «čyrvonaje apaviaščeńnie» na vyšuk vinavatych u pasadcy samalota Ryanair u 2021 hodzie
-
U biełaruskaj kvatery byłoha palitviaźnia Jermašuka praviali pieratrus
Jak za biełaruskimi apazicyjanierami špijoniła madel Onlifans8
Kamientary