Alaksiej Strelnikaŭ pajšoŭ cieraz voziera, pravaliŭsia pad lod, vybraŭsia, ale dapamoha nie paśpieła pryjści. Žonka Alaksieja Strelnikava raskazała ŭ svaim fejsbuku abstaviny trahičnaha zdareńnia z mužam, jaki pajšoŭ z žyćcia ŭ 39 hadoŭ.
«Siamja paprasiła mianie napisać hety post, kab siabry viedali, što adbyłosia. Loša jechaŭ na teatralny varkšop. U pryhožaje-pryhožaje miesca na pryrodzie, daloka ad nasielenych punktaŭ. Ja padtrymlivała jaho. A jon radavaŭsia, pryrodzie i pracy ź ludźmi. Darohi zaniesła, i im daviałosia pierachodzić voziera, — raskazvaje žonka Alaksieja Alena Ivaniušanka.
— Loša pravaliŭsia pad lod. Jon vybraŭsia. Ale stajaŭ mocny maroz. Dapamoha nie paśpieła pryjści. Ja viedaju, što Loša zrabiŭ usio, što było ŭ jaho siłach i bolš, aby zastacca tut z našym synam. Słovy niaščasny vypadak ciapier stali sapraŭdnymi».
U pary zastaŭsia mały syn.
«Davajcie razam uspaminać našaha darahoha čałavieka. Niachaj u nas u dušy bol i strata, ale tam pavinna znajścisia miesca miru i čałaviečnaści. Hetaha b Loša vielmi chacieŭ», — napisała Alena.
Teatralny krytyk, režysior, piedahoh, akcior, art-mieniedžar Alaksiej Strelnikaŭ trahična zahinuŭ u vyniku niaščasnaha vypadku na vychadnych. Jamu było 39 hadoŭ.
Čytajcie taksama: «Padparadkavacca hetamu strachu — značyć prajhrać». Apošniaje intervju Alaksieja Strelnikava
Źbirajuć hrošy na padtrymku siamji Alaksieja Strelnikava
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary