Aleś Bialacki: Nobieleŭskaja premija za luboŭ da biełarusaŭ. Novaje VIDEA na kanale Andreja Chadanoviča
Aleś Bialacki — litaratar, pravaabaronca i hramadski dziejač, jaki zusim niadaŭna atrymaŭ Nobieleŭskuju premiju miru, ale pa-raniejšamu znachodzicca za kratami. Andrej Chadanovič u čarhovym vypusku na svaim jutub-kanale raskazvaje pra hałoŭnaha hieroja i aŭtara knihi, jakaja tak i nazyvajecca «Aleś Bialacki».
Siońnia Chadanovič raskazvaje:
- jak Bialacki viartaŭ biełarusam pamiać pra Kurapaty;
- polskija i litoŭskija čynoŭniki «dapamahli» režymu pasadzić Bialackaha — što heta było;
- jak stvaraŭsia pravaabarončy centr «Viasna»;
- jak kalehi zašyfravali vinšavańnie pa radyjo padčas źniavoleńnia Bialackaha;
- ci zmoh by Bialacki stać nastupnym prezidentam Biełarusi;
- uznaharody Alesia Bialackaha: ad premii Vacłava Haveła da hanarovaha žychara Paryža — jak da ich stavicca sam pravaabaronca.
Voś niekalki dumak ź videa.
Kali pradstaŭnik krainy atrymlivaje Nobieleŭskuju ŭznaharodu, usia kraina ciešycca i hanarycca, kiraŭniki krainy šluć vinšavalnyja telehramy, fatahrafujucca z łaŭreatami, bo razumiejuć, što heta vialiki honar. Zusim nie tak u Biełarusi: nobieleŭski łaŭreat Aleś Bialacki paŭtara hoda jak aryštavany. Z 5 studzienia pad sudom u kletcy i kajdankach razam sa svaimi paplečnikami, bo łohika ŭsioj biełaruskaj historyi vučyć, što tyja, chto najbolš lubić i šanuje svabodu, apynajucca ŭ miescach, dzie jana abmiežavanaja.
Skraznaja dumka, jakaja prachodzić praz uspaminy Bialackaha — dumka pra niehvałtoŭny supraciŭ, pra toje, što šlach, jaki praduhledžvaje pralivańnie kryvi, jaki praduhledžvaje ŭžyvańnie zbroi z boku tych, chto buntuje i paŭstaje, moža być najchutčejšy, ale serca i rozum Alesia Bialackaha na baku supracivu niehvałtoŭnaha.
Sama najaŭnaść Bialackaha natchniaje i dadaje sił, zaradžaje vieraj i aptymizmam, bo nośbitam hetaj viery i hetaha aptymizmu jość sam Aleś Bialacki. Jon viedaje, što, niahledziačy na pavolnaść, pastupovaść źmien, ujaŭnuju niaŭdziačnaść pracy ŭsich, chto pracuje na lepšuju, cyvilizavanuju, čałaviečuju, pravavuju, kulturnuju, jeŭrapiejskuju i ŭrešcie biełaruskuju Biełaruś, heta štodzionnaja praca maje sens.
Usim nam varta vystajać, nie złamacca, pieratryvać i vieryć, što kožny dzień našaj baraćby za Biełaruś niedaremny. Hladzim razam novaje videa, stavim padabajki, kamientujem i dzielimsia ź siabrami i siabroŭkami.
Hladzicie taksama:
Jak zachavać u sabie ahoń čałaviečnaści? Čamu nas vučyć litaratura postapakalipsisu. Novaje VIDEA na kanale Andreja Chadanoviča
TOP-7 najlepšych tvoraŭ pra Kalady. Novaje VIDEA na kanale Andreja Chadanoviča
Čyj Adam Mickievič: biełaruski, polski ci litoŭski kłasik? Novaje VIDEA na kanale Andreja Chadanoviča
Što za studentka Uljana, ź jakoj na bali valsiravaŭ Łukašenka?9
Kamientary
heta apošniaja forma pratestu.
Nieabchodna źbierahčy biełaruskaść