U čarzie na palapšeńnie žyllovych umoŭ u Minsku — 179 tysiač siemjaŭ
U 2022 hodzie čarha na žyllo ŭ stalicy źmienšyłasia na 11,5 tysiačy siemjaŭ, za dziesiać hadoŭ — na 100 tysiač. Pra heta ŭ efiry «Radyjo-Minsk» raskazała načalnica ŭpraŭleńnia žyllovaj palityki Minharvykankama Alena Łukaševič.
«Čarha ŭ Minsku samaja vialikaja ŭ Biełarusi, ale pavoli abjomy źnižajucca. Na siońnia ŭ joj staić 179 tysiač siemjaŭ», — paviedamiła Łukaševič.
Pa słovach Łukaševič, u minułym hodzie 11,5 tysiačy siemjaŭ palepšyli svaje žyllovyja ŭmovy i byli źniatyja z uliku. Pryjarytet pry vyrašeńni žyllovych prablem — u tych, chto vychoŭvaje bolš za traich dziaciej.
U 2022 hodzie, pavodle čynoŭnicy, 1277 šmatdzietnych siemjaŭ palepšyli svaje ŭmovy pražyvańnia.
Akramia budaŭnictva ŭ stalicy, ich nakiroŭvali ŭ Smalavičy i małyja harady, pradavali hatovaje žyllo ŭ novabudoŭlach. Niezamožnyja šmatdzietnyja siemji atrymlivali biaspłatnaje žyllo sacyjalnaha karystańnia.
Taksama hod supracoŭniki žyllovaj śfiery Minska fiksujuć kala 1,6 tysiačy admoŭ šmatdzietnych siemjaŭ ad novaha, bolšaha pa płoščy žylla. Prykładna ŭ 45% hetaj katehoryi pryčyna hetaha — najaŭnaść ułasnaha žylla, u jakim paśla naradžeńnia čarhovaha dziciaci prosta pierastała chapać peŭnaj kolkaści płoščy da normy. A niekatorych nie zadavalniaje rajon zabudovy, naprykład, mikrarajon Sokał, jaki mieścicca kala Nacyjanalnaha aeraporta, to-bok vielmi daloka ad ułasna Minska.
Stała viadomaje imia mužčyny, zatrymanaha ŭ Mahilovie za nibyta napad na hubazikaŭcaŭ8
Kamientary
Kakaja raźnica, hdie płodiť hołodranciev, v cientrie nieriezinovoho ili około aeroporta nieriezinovoho?)
Odin chrien, samoloty počti nie letajut, ekołohija norm!
skazała - niet