Uniformu Treciaha rejcha, ryštunak i aksiesuary vajskoŭcaŭ niamieckaj armii časoŭ Druhoj suśvietnaj vajny vyrabiać dla SŠ № 9 imia Suchamlina ŭ Słonimie, zaŭvažyŭ Hrodna.life.
Usiaho vyrabiać 69 elemientaŭ adzieńnia i aksiesuaraŭ. Zadańnie ŭklučaje 17 nazvaŭ. Viadoma, što zrobiać kamplekt formy aficera i vosiem kamplektaŭ palavoj formy. Taksama kupiać sumku patronnuju, sucharnuju sumku i čachoł rydlovačny skurany. Pradmiety pavinny być vyrablenyja pa ŭzorach 1911−1945 hadoŭ.
Słonimski rajonny centr dla zabieśpiačeńnia dziejnaści ŭstanoŭ śfiery adukacyi vydatkuje na zakupku da 15 000 rubloŭ. Formu zakuplajuć z 25 vieraśnia pa 20 śniežnia 2024 hoda.
Nie skazana, dla čaho škole forma. Mahčyma, jaje buduć vykarystoŭvać dla rekanstrukcyj abo dla ekspazicyi školnaha muzieja.
U 2014 hodzie ŭ škole adkryŭsia muziej «Vajskovaja historyja Słonimščyny». Fond muzieja naličvaje 258 ekspanataŭ, 148 ź jakich — asnoŭny fond. U im adlustravali ŭsiu historyju horada ad kalčuh VIII stahodździa da sučasnych miedaloŭ dla ŭznaharodžańnia vajskoŭcaŭ.
Stała viadomaje imia mužčyny, zatrymanaha ŭ Mahilovie za nibyta napad na hubazikaŭcaŭ22
Kamientary