Kiraŭnik Bellingcat Chrysta Hrozieŭ praz pahrozu žyćciu byŭ vymušany pakinuć Vienu, dzie žyŭ
Bałharski žurnalist, adzin z samych viadomych u śviecie rasśledavalnikaŭ, dyrektar hrupy Bellingcat Chrysta Hrozieŭ vymušany pierajechać z Aŭstryi, dzie jon pražyŭ amal 20 hadoŭ, z-za mierkavanaj pahrozy z boku rasijskich śpiecsłužbaŭ. Pra heta piša Moscow Times sa spasyłkaj na aŭstryjskuju hazietu Falter.
«Ja padazraju, što rasijskich ahientaŭ, infarmataraŭ i padručnych u horadzie bolš, čym palicejskich», — skazaŭ Hrozieŭ Falter.
Paviedamlajecca, što žurnalist byŭ vymušany admianić zapłanavanaje viartańnie ŭ Vienu z pajezdki ŭ Złučanyja Štaty paśla taho, jak kantakty z vyviedki papiaredzili jaho, što jon moža apynucca ŭ niebiaśpiecy, kali vierniecca.
53-hadovy Hrozieŭ adyhraŭ viadučuju rolu ŭ šerahu najbolš hučnych rasśledavańniaŭ Bellingcat, u tym liku ŭ spravie atručeńnia ŭ 2018 hodzie rasijskaha padvojnaha ahienta Siarhieja Skrypala i jaho dački ŭ brytanskim horadzie Sołśbiery, atručeńnia ŭ 2020 hodzie krytyka Kramla Alaksieja Navalnaha ŭ Sibiry.
Rasija abjaviła Hrozieva ŭ vyšuk u śniežni.
U lipieni Fiederalnaja słužba biaśpieki Rasii zajaviła, što Hrozieŭ udzielničaŭ u «sarvanaj zmovie» z metaj zachopu rasijskich źniščalnikaŭ, ale nie paviedamiła, ci była raspačataja kryminalnaja sprava suprać žurnalista.
Hrozieŭ adchiliŭ abvinavačvańni i abvinavaciŭ rasijskuju ŭnutranuju raźviedku ŭ padrobcy dokazaŭ.
Pamior dzied Koli Łukašenki — były viazień HUŁAHa, asudžany za dapamohu «banderaŭcam»10
Kamientary