U Minsku žycharam chruščovak udałosia adbicca ad pabudovy šmatpaviarchovika ŭ ichnim dvary
Davoli niečakana zaviaršyłasia historyja supraćstajańnia miascovych žycharoŭ z zabudoŭščykam u rajonie stancyi mietro «Hrušaŭka» ŭ Minsku. U dvary niekalkich chruščovak płanavali pabudavać 16-paviarchovy adnapadjezdny dom na miescy kacielni, majsterni i haražoŭ, jakija nie vykarystoŭvalisia. Ale płany vyklikali pratest, i žycharam, jak ni dziŭna, udałosia dabicca svajho, piša Office Life.
Žychary napisali zvaroty da miascovych uład. U vyniku pytańnie vyjšła na ŭzrovień harvykankama, i nieŭzabavie budaŭnictva «słupka» ŭ dvary piacipaviarchovikaŭ admianili.
Zamoŭcam budaŭnictva vystupała dziaržaŭnaje UKB «Zachad», jakoje chacieła za košt šmatpaviarchovika častkova pakryć vydatki na dabudoŭvańnie «Hrušaŭskaha pasada».
Jak raskazała ahienctvu «Minsk-Naviny» staršynia kamiteta budaŭnictva i inviestycyj Minharvykankama Iryna Hontarava, upraŭleńniu kapitalnaha budaŭnictva znajšli novuju placoŭku pad zabudovu. Ciapier 16-paviarchovy dom uźviaduć na miescy niedabudavanaha parkinha na vuł. Karalinskaj.
Heta našmat dalej ad centra horada, čym Hrušaŭka, adpaviedna, rajon tam mienš prestyžny z punktu hledžańnia koštu žylla.
Zvyčajna miascovyja ŭłady ŭ Minsku ŭ sprečkach z žycharami z nahody ŭščylnieńnia žyłych rajonaŭ prymajuć bok zabudoŭščyka.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?3
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary