U Homieli sudziać za karupcyju byłoha načalnika miascovaha adździaleńnia čyhunki
15 lutaha ŭ sudzie Savieckaha rajona Homiela pačaŭsia razhlad kryminalnaj spravy pa fakcie karupcyi. Adzin z abvinavačvanych — były načalnik Homielskaha adździaleńnia Biełaruskaj čyhunki Ryhor Dvorak, piša «Fłahštok».
Padrabiaznaści kryminalnaj spravy dziaržaŭnyja ŚMI nie paviedamlajuć. Razam z Ryhoram Dvorakam na łavie padsudnych jašče 6 čałaviek. Ich abvinavačvajuć u kradziažy šlacham złoŭžyvańnia słužbovymi paŭnamoctvami, dačy i atrymańni chabaru, a taksama słužbovaj padrobcy.
Ryhor Dvorak kiravaŭ Homielskim adździaleńniem Biełaruskaj čyhunki na praciahu dzieviaci hadoŭ, z 2016 pa 2019 hod byŭ členam Savieta Respubliki.
U 2020 hodzie, kali homielskija čyhunačniki vychodzili na pikiet u znak pratestu suprać represij, pa asabistym rasparadžeńni Dvoraka zvalniali ludziej, zaŭvažanych na maršach i mitynhach.
Apošni raz na svajoj pasadzie Ryhor Dvorak zhadvaŭsia ŭ presie ŭ krasaviku 2022 hoda. Jaho źniknieńnie ź infarmacyjnaha pola prykładna supała z praviadzieńniem «kompleksu dadatkovych mier pa zabieśpiačeńni hramadskaj biaśpieki na abjektach čyhunačnaha transpartu», źviazanaha z dyviersijami «rejkavych partyzan».
U vieraśni 2022 hoda novym načalnikam Homielskaha adździaleńnia BČ byŭ pryznačany Siarhiej Jaraševič.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary
Takaja dola ŭ kałabarantaŭ,
za što barolisia - na to j naparolisia))