Palitviaźnia Papkoviča pieraviali ŭ kałoniju, navat nie čakajučy razhladu apielacyi
Pa infarmacyi pravaabaroncaŭ, palitviaźnia Alesia Papkoviča amal adrazu paśla suda i da razhladu apielacyjnaj skarhi pieraviali ŭ viciebskuju kałoniju №3. Pry hetym na toj momant jaho prysud jašče nie ŭstupiŭ u zakonnuju siłu.
Bratoŭ Jana i Alesia Papkovičaŭ zatrymali 2 vieraśnia minułaha hoda ŭ Minsku. Viadoma, što Jan raniej pracavaŭ inkasataram u «Biełhazprambanku».
Na pačatku vieraśnia braty płanavali źjechać u Polšču, adnak za dzień da adjezdu byli zatrymanyja siłavikami. Alesia abvinavacili pavodle art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak) i asudzili da dvuch hadoŭ kałonii.
Paśla pieravodu ŭ kałoniju Alesia Papkoviča adrazu źmiaścili ŭ pamiaškańnie kamiernaha typu, a paśla razhladu apielacyi z prahnazavanym pakidańniem vyniesienaha prysudu bieź źmienaŭ jaho pieraviali na karancin.
Akramia taho, Papkoviču dali padpisać dakumient ab tym, što jon nie źbirajecca paśla vyzvaleńnia źjazdžać ź Biełarusi.
Kamientary