Polšča hatovaja pieradać Ukrainie partyju MiH-29 u najbližejšyja tydni. Jaje padtrymajuć inšyja krainy
Pradstaŭnik urada Polščy Piotr Miuler zajaviŭ u sieradu, što niekalki zachodnich krain hatovy padtrymać Varšavu i taksama pieradać Kijevu niekalki źniščalnikaŭ MiH-29, paviedamlaje Bloomberg.
Pra jakija krainy idzie havorka, pakul niezrazumieła, ale jość padstavy mierkavać, što adnoj ź ich stanie Słavakija.
«Vy možacie raźličvać na našu dapamohu», — zajaviŭ niadaŭna premjer-ministr krainy Eduard Chiehier, abmiarkoŭvajučy z Kijevam pytańnie ŭmacavańnia ŭkrainskaj avijacyi.
MiH-29 — źniščalnik savieckaha ŭzoru, jaki znachodzicca na ŭzbrajeńni mnohich krain byłoha sacbłoka.
Ukrainskija lotčyki dobra znajomyja z kiravańniem hetych samalotaŭ i mohuć pačać prymianiać ich biez straty času na navučańnie.
Ułady Polščy zajaŭlajuć, što svaju partyju źniščalnikaŭ hatovyja pieradać Kijevu ciaham čatyroch-šaści tydniaŭ.
Pastajanny pradstaŭnik Polščy ŭ NATA Tomaš Šatkoŭski taksama zajaŭlaŭ niadaŭna, što pieradača Ukrainie ŭ tym liku zachodnich źniščalnikaŭ — tolki pytańnie času.
Prezident Ukrainy Uładzimir Zialenski daŭno zaklikaje Zachad razhledzieć hetaje pytańnie.
Polšča, Francyja, Vialikabrytanija i krainy Bałtyi z samaha pačatku zajaŭlali pra hatoŭnaść padtrymać zapyt.
Hiermanija i ZŠA vystupajuć suprać. Vašynhton, naprykład, arhumientuje svaju admovu tym, što absłuhoŭvańnie amierykanskich F-16 i navučańnie ŭkrainskich lotčykaŭ ich ekspłuatacyi budzie kaštavać niepraparcyjna doraha adnosna karyści, jakuju hetyja źniščalniki mohuć prynieści na poli boju.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary