Hramadstva22

Sokałava-Vojuša nie paznać. Što stała sa znanym bardam 1980-ch?

U 1990-ja nivodny mitynh nie abychodziŭsia biez barda Sieržuka Sokałava-Vojuša i jaho piesień. Ciapier jon vyhladaje jak Kupałaŭ Huślar. Usiamu vinoj — vajna va Ukrainie. 

Siaržuk Sokałaŭ-Vojuš na viečarynie da sioletniaha Dnia Voli. Fota: Aleś Paźniak

Z fotazdymkaŭ 1980-ch Siaržuk Sokałaŭ-Vojuš hladzić ź bieła-čyrvona-biełaj stužkaj na hałavie dy viečnaj svajoj spadarožnicaj, hitaraj.

Jaho kancertaŭ u Biełarusi daŭno nie było, ale pieśni zastajucca ŭ chovankach kalekcyjanieraŭ dy internecie. Sam Sokałaŭ-Vojuš zredku źjaŭlajecca biełaruskamu śvietu, bo nie maje akaŭntaŭ u sacyjalnych sietkach.

Siaržuk Sokałaŭ-Vojuš u 1990-ja. Fota: vytoki.net

Dniami jon udzielničaŭ u vilenskaj viečarynie, pryśviečanaj Łarysie Hienijuš. Na fota ź jaje Sokałava-Vojuša nie paznać.

Muzykantka Taćciana Hrynievič, jakaja apublikavała ŭ fejsbuku zdymak, skazała, što «Siaržuk pierastaŭ halić baradu, jak pačałasia vajna, a kali skončycca, adrazu ž zholić».

Z baradoj Sokałaŭ-Vojuš padobny da Kupałavaha Huślara.

«Barada — maja ŭnutranaja salidarnaść z častkova baradatymi ciapier kalinoŭcami, jakaja pajšła ad salidarnaści z azoŭcami», — tłumačyć Sokałaŭ-Vojuš.

Daŭžynia barady roŭnaja praciahłaści vajny, kaža jon.

«Nie halusia ad pieršaha dnia vajny. Pieramožam — zhalu, — abiacaje surazmoŭca. — A jašče jość taki čyńnik, jak brak času. Ledź paśpiavaju sačyć za navinami i pisać».

Paet Siaržuk Sokałaŭ-Vojuš u našy dni. Fota: Słavamir Sokałaŭ

Na jaho pohlad, vajna va Ukrainie była niepaźbiežnaj.

«Dla mianie śviet nie źmianiŭsia, — adznačaje jon. — Usio, što hadami dumaŭ pra maskoŭščynu, spraŭdziłasia, pryjšło. Krychu bolš spadziavaŭsia na biełarusaŭ — krychu i pamylaŭsia».

Biełaruski bard spadziavaŭsia, što «doma byli ludzi, zdolnyja ŭznačalić pratesty».

«Ja spadziavaŭsia, što jość niejki płan pieramohi, a byŭ tolki płan parazy. Kali my dumajem, što kroŭ palehłych tolki na rukach režymu — heta pamyłka. Kroŭ i na rukach tych, chto hetyja pratesty zdaŭ», — zajaŭlaje paet.

Siaržuk Sokałaŭ-Vojuš ličyć, što ź Biełaruśsiu ničoha nadzvyčajnaha nie adbyvajecca.

«A što musiła b? Kali jana była inšaj? Na majoj pamiaci — nie. Usio zakanamierna, usio łahična. Usio, jak zaŭsiody», — padkreślivaje jon.

Siaržuk Sokałaŭ-Vojuš naradziŭsia na Połaččynie. U jaho padvojenym proźviščy zachavany baćkaŭ i matčyn pačatak.

«Vieršy pačaŭ pisać u 8 ci 9 hadoŭ, — zhadvaje jon. — A pieśni… Była patreba śpiavać niešta biełaruskaje, prostaje, nieskładanaje, la vohniščaŭ, padčas vandrovak ci pry siabroŭskim stale. Paŭsiul ža panavała maskoŭščyna, abo vielmi jakasnaja biełaruščyna («Pieśniary»), na jakuju varta było mieć chacia b hołas».

Siaržuk Sokałaŭ-Vojuš prosić nie nazyvać jaho muzykam, bo im nie jość. 

«Ja paet, — nastojvaje jon. — Ja viedaju ŭsiaho try akordy i nie maju muzyčnaha słychu. Kali b niechta tady pisaŭ i śpiavaŭ patrebnyja teksty — ja ničoha padobnaha nie rabiŭ by».

Siaržuk Sokałaŭ-Vojuš pracavaŭ na zavodzie, słužyŭ u savieckim vojsku, nastaŭničaŭ, byŭ navukovym supracoŭnikam u muziei Jakuba Kołasa ŭ Mikałajeŭščynie. Pracavaŭ u lalečnaj trupie Biełaruskaha dziaržaŭnaha akademičnaha teatra imia Jakuba Kołasa.

Siaržuk Sokałaŭ-Vojuš na minskim stadyjonie «Dynama» ŭ 1989 hodzie. Fota: Tut.by

U 1991 hodzie pierabraŭsia ŭ stalicu Čechii i tam staŭ pracavać u biełaruskaj słužbie «Radyjo Svaboda». Ciapier žyvie ź siamjoj u Ńju-Jorku. Jahonaja žonka — amierykanskaja biełaruska, jakaja naradziłasia i vyrasła ŭ ZŠA. Maje troch synoŭ — Stanisłava, Śvietavita i Słavamira.

Siaržuk Sokałaŭ-Vojuš praciahvaje składać biełaruskija tvory i ŭ dalečyni ad Biełarusi.

«Pišacca šmat usiaho i kožny dzień, — adznačaje jon. — Vieršy, pieśni, pierakłady, proza. Vystupać asabliva niama dzie. Biełaruskija mitynhi ci pikiety tut redkaść. Kali niešta byvaje i mianie zaprašajuć — nie admaŭlaju».

«Chacia, — dadaje surazmoŭca, — maju nizku pieśniaŭ «Hrabli» z krytykaj niekatorych dziejačaŭ staroj emihracyi. Časam zaprašajuć i prosiać hetych pieśniaŭ nie śpiavać. Tamu, byvaje, davodzicca admaŭlacca ad vystupu».

Apošni raz śpiavaŭ u Biełarusi bolš jak 10 hadoŭ tamu. Heta adbyłosia ŭ biełaruskim letniku pad Navahradkam pry vohniščy.

«Naša Niva» — bastyjon biełaruščyny

PADTRYMAĆ

Hladzicie taksama:

Bard Andrej Mielnikaŭ: Zastavacca ŭ Biełarusi stymuluje soram pierad ludźmi, jakija abrali varyjant siadzieć

Biełaruskija 90-ja. Rok adusiul, biełaruskaja mova, bčb na BT — jakim byŭ šoŭbiz i tahačasnyja miedyja?

Siaržuk Sokałaŭ-Vojuš dabračynnym kancertam sabraŭ 1860 dalaraŭ dla paranienych ukrainskich vajskoŭcaŭ

Kamientary22

  • Zajčyk
    16.04.2023
    Chaj pavažany Siaržuk Sakałoŭ-Vojuš pryjedzie ŭ Biełaruś i ačolić supraciŭ, nie razvažaje pra jaho z-za miažy.
  • Hańba
    16.04.2023
    Pry ŭsioj vialikaj pavazie, ci nie jašče adzin čałaviek, jaki pakryŭdziŭsia na biełarusaŭ, bo jany nie pieramahli ŭ 20-ym? Kali tak, to pošła.
  • miascovy2
    16.04.2023
    Hańba, chiba jon nie maje racyju, što my sami vinnyja ŭ tym, što nie supraciŭlalisia hvałtu ślepa pavieryŭšy "lidaram", što "režym chutka ruchnie"?

Namieśnik Cichanoŭskaj Valer Kavaleŭski pakinuŭ pasadu

Namieśnik Cichanoŭskaj Valer Kavaleŭski pakinuŭ pasadu

Usie naviny →
Usie naviny

Marharyta Laŭčuk znajšła, jak vyrašyć prablemy z prysudam u Biełarusi6

MKS vydaŭ ordary na aryšt Siarhieja Šajhu i Valeryja Hierasimava11

Turma budučyni. Navukoviec prapanavaŭ chutki sposab pieravychavańnia złačyncaŭ — dać adčuć pakuty ich achviar4

Školnica ź Minska maje 400 bałaŭ dla pastupleńnia2

«Vielmi składana zrazumieć, što jość dźvie praŭdy». Litoŭski historyk pra «Pahoniu» i spadčynu VKŁ 45

Kletka ŭ žanočaj kałonii. Što heta takoje i jakija normy parušaje?1

Daradcy Trampa padali płan spynieńnia vajny Rasii suprać Ukrainy26

Zabaŭny fakt: na vychad u płej-of Jeŭra-2024 z trecich miescaŭ pretendujuć vyklučna kamandy byłoj Aŭstra-Vienhryi2

Były polski sudździa Šmit staŭ karespandentam BiełTA8

bolš čytanych navin
bolš łajkanych navin

Namieśnik Cichanoŭskaj Valer Kavaleŭski pakinuŭ pasadu

Namieśnik Cichanoŭskaj Valer Kavaleŭski pakinuŭ pasadu

Hałoŭnaje
Usie naviny →