Rasijskich sałdat u Biełarusi robicca ŭsio mienš — Pamiežnaja słužba Ukrainy
Rasijskich vajskoŭcaŭ, jakija prajšli padrychtoŭku ŭ Biełarusi, mohuć pieravieści na ŭschodni kirunak dla papaŭnieńnia sił akupantaŭ. Ciapier na terytoryi Biełarusi zastajecca kala 2,5 tysiačy rasijskich sałdat, paviedamiŭ pres-sakratar Dziaržaŭnaj pamiežnaj słužby Ukrainy Andrej Dziemčanka ŭ efiry nacyjanalnaha telemarafonu.
Pavodle Dziemčanki, pa stanie na siońnia, 15 maja, situacyja na miažy ź Biełaruśsiu zastajecca całkam kantralavanaj. Praciŭnik nie zmoža prarvać abaronu ŭkrainskich abaroncaŭ na poŭnačy, kali navat pasprabuje heta zrabić. A bolšaść z rasijskich žaŭnieraŭ u Biełarusi ciapier, maŭlaŭ, znachodziacca na vučeńniach abo na palihonach.
«Možna adznačyć, što kolkaść rasijskich vajskoŭcaŭ značna nižejšaja, čym była jašče niekalki miesiacaŭ tamu. Nahadajem, što kolkaść rasijskich vajskoŭcaŭ mahła dasiahać i 10-11 tysiač čałaviek», — dadaŭ Dziemčanka.
Jon raskazaŭ, što padrychtavanyja ŭ Biełarusi vajskovyja padraździaleńni rasijskich vajskoŭcaŭ viartajucca ŭ svaju krainu. Dalej ich, vierahodna, buduć adpraŭlać na ŭschodni kirunak dla papaŭnieńnia sił akupantaŭ.
«Pakul my bačym, što mnohija padraździaleńni vyvodziać ź Biełarusi, adnak papaŭnieńnia palihonaŭ nie adbyvajecca», — padsumavaŭ pres-sakratar DPSU.
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach2
Kamientary