Niekatorym zatrymanym prapanujuć pieraličyć hrošy na dabračynny rachunak, kab paźbiehnuć sutak ci vyjści ź SIZA. Što viadoma pra dziŭnuju praktyku?
Raniej dobraachvotna-prymusovyja achviaravańni ŭ vyznačanyja ŭładami arhanizacyi spahaniali z tych, chto danaciŭ u padtrymku represavanych. Za heta abiacali nie raspačynać kryminalnaj spravy. Ale vyhladaje, što niekatorym zatrymanym režym prapanuje «adkupicca», kab zakryli ŭžo zaviedzienuju spravu abo źmienšyli pakarańnie pa administratyŭcy.
Jak stała viadoma «Našaj Nivie», niekatorym ludziam, zatrymanym pa palityčnych matyvach, prapanujuć pamienšyć pakarańnie šlacham achviaravańnia davoli bujnych sum hrošaj u peŭnyja dabračynnyja arhanizacyi.
Pra takija kiejsy viadoma i pa administracyjnych spravach, i pa kryminalnych.
Tym, na kaho zaviedziena administracyjnaja sprava, siłaviki prapanujuć pieraličyć hrošy ŭ vyznačanyja imi dziaržaŭnyja arhanizacyi ci kaladziaržaŭnyja fondy, kab čałaviek moh atrymać štraf zamiest sutak ci mienšuju kolkaść sutak.
Infarmacyja pra takija vypadki dachodzić i da pravaabaroncaŭ. Pa słovach stvaralnicy inicyjatyvy Dissidentby Maryny Kasinieravaj, takija źviestki zvyčajna źjaŭlajucca paśla čarhovaj chvali masavych zatrymańniaŭ.
«Padčas takich masavych abłaŭ zatrymlivajuć vialikuju kolkaść ludziej, častka ź jakich traplaje ŭ ruki siłavikoŭ całkam vypadkova. Ale viadoma, što kali čałavieka ŭžo zatrymali i zaviali na jaho administracyjnuju ci kryminalnuju spravu, to prosta tak zakryć jaje i adpuścić čałavieka ŭ nas nie mohuć», — kaža Kasinierava.
Pa jaje nazirańniach, z prapanovami apłacić «štraf» źviartajucca da tych, što ŭžo pa 3—6 miesiacaŭ znachodzicca ŭ SIZA.
Kasinierava kaža, što na svajakoŭ zatrymanych vychodziać niejkija ludzi sa śledčych orhanaŭ, jakija prapanujuć, jak jany kažuć, zapłacić «štraf» u abmien na vyzvaleńnie čałavieka z-za krataŭ.
«Kali z takimi historyjami da nas źviartajucca svajaki zatrymanych, to padčas razmovy my ŭdakładniajem, što heta nie štraf, bo nijakaha rašeńnia suda nie było. Ludziam prosta prapanujuć pieravieści hrošy na peŭny rachunak, jaki naležyć dabračynnaj arhanizacyi», — kaža Kasinierava.
Pa jaje słovach, havorka išła pra davoli bujnyja pa biełaruskich mierkach sumy.
«Z taho, što my viedajem, to heta byli sumy ekvivalentnyja 2—3 tysiačam dalaraŭ».
U vypadkach z administracyjnymi spravami, pra jakija čuła «Naša Niva», razmova viałasia pra niekalki socień rubloŭ.
Pa nazirańniach Maryny Kasinieravaj, z takimi prapanovami źviartajucca ŭ tych vypadkach, kali čałaviek užo davoli praciahły čas znachodzicca ŭ SIZA, a znajści na jaho niejkuju infarmacyju, za jakuju sud moža začapicca i vynieści abvinavaŭčy prysud, nie atrymoŭvajecca.
«Heta mohuć być ludzi, jakich zatrymali za niejkija kamientaryi, ale jany pa svaim źmieście byli dalokija ad taho, kab čałavieka možna było pasadzić za kraty. Tamu vyhladaje tak, što tak jak prosta vyzvalić čałavieka jany nie mohuć, to prydumali taki kiejs, kab možna było choć niešta ad jaho atrymać», — miarkuje pravaabaronca.
Usia pracedura trymajecca na česnym słovie, bo kali čałavieka vypuskajuć ź SIZA, to jon nie atrymlivaje nijakich dakumientaŭ ab tym, što sprava zakrytaja ci niešta źmianiłasia. Jamu prosta de-fakta źmianiajuć mieru ŭtrymańnia.
«Važna, što čałaviek, pahadziŭšysia na takuju avanturu, musić sam prynieści kvitok z paćviardžeńniem apłaty siłavikam, tamu ŭ ludziej zastajecca bojaź, što tam ich znoŭ mohuć zatrymać i źmiaścić pad vartu. Ale ź viadomych nam vypadkaŭ takoha nie było. Čałavieku, jaki pahadziŭsia zrabić «achviaravańnie», praź niejki čas prychodziła infarmacyja pra toje, što sprava zakrytaja».
Pravaabaronca padkreślivaje, što takija prapanovy pastupajuć tolki tym zatrymanym, chto nikoli raniej nie zatrymlivaŭsia pa palityčnych artykułach.
«Takoje dakładna nie prapanujuć aktyvistam, miedyjnym asobam ci tym, chto raniej traplaŭ u pole zroku siłavikoŭ pa palityčnych matyvach», — kaža Kasinierava.
«Naša Niva» — bastyjon biełaruščyny
PADTRYMAĆ
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary