«Tovariŝi! Hraždanie!» — rekłama KDB dla «stukačoŭ» źjaviłasia ŭ Minsku
Žychary Minska stali znachodzić u svaich paštovych skryniach rekłamny listok z zaklikam KDB paviedamlać pra kantakty praz sacyjalnyja sietki i miesiendžary. Tydniem raniej takija ž paviedamleńni apublikavali ŭ žyroŭkach žycharoŭ Hrodna.
«Vyjšaŭ z domu, u paštovaj skryni ŭbačyŭ rekłamny arkuš. I voś, siarod inšaj rekłamy — takaja ŭlotka», — padzialiŭsia z Reform.by žychar Minska, jaki atrymaŭ paviedamleńnie ad KDB.
Tavaryšy! Hramadzianie!
«Dapamažycie nam źbierahčy vas i vašych blizkich ad śmiarotnaj niebiaśpieki! Śpiecsłužby zamiežnych dziaržaŭ robiać sproby viarboŭki biełaruskich hramadzian dla atrymańnia raźviedvalnaj infarmacyi, ździajśnieńnia dyviersij i teraktaŭ.
Z hetaj metaj da vas mohuć źviarnucca praz sacyjalnyja sietki i miesiendžary z prapanovaj:
- pieravieści dalejšuju kamunikacyju ŭ zakryty farmat (vykarystoŭvać sakretnyja čaty, nieznajomyja miesiendžary, padazronyja prahramy);
- paviedamić źviestki pra vaša atačeńnie, bijahrafičnyja danyja, prafiesiju, kantakty;
- vykanać «niaznačnyja» prośby: nabyć sim-kartu, źniać kvateru, zabrać abo adpravić pasyłku, pieradać tyja ci inšyja pradmiety;
- dać infarmacyju pra stanovišča ŭ Biełarusi, dziejnaść siłavych struktur, orhanaŭ ułady i kiravańnia;
- atrymać dadatkovy zarobak niestandartnymi sposabami.
Kali ŭ dačynieńni da vas ci vašych blizkich, znajomych, siabroŭ rabilisia takija dziejańni, prajavicie śviadomaść i nieadkładna źviarniciesia ŭ orhany dziaržaŭnaj biaśpieki Respubliki Biełaruś.
Dapamažycie nam abaranić mir i spakoj na biełaruskaj ziamli! Budźcie pilnyja!» — havorycca ŭ takim «rekłamnym» arkušy.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary