U Hiermanii vyjšła kniha pra biełaruskaha kata ź irłandskim imieniem
Aŭtarka — 52-hadovaja Bryta Šmider — pryviezła hadavanca 5 hadoŭ tamu ź minskaha prytułku.
Žycharka kamuny Hrafrat u niamieckaj ziamli Bavaryja napisała knihu pra biełaruskaha kata ź irłandskim imiem. Pra heta paviedamlaje sajt «Biełaruś i śviet» sa spasyłkaj na vydańnie merkur.de.
Kniha pad nazvaj «Dobra, što ja tut: dziońnik kata O'Meli» vyjšła 15 studzienia 2023 hoda. Tomik u miakkaj vokładcy abjomam 105 staronak pradajecca za 15 jeŭra.
Aŭtarka — 52-hadovaja Bryta Šmider — pryviezła hadavanca 5 hadoŭ tamu ź minskaha prytułku. Pa jaje słovach, źbirałasia ŭziać inšaha, taksama šera-biełaj afarboŭki, ale, kali pryjechała, jaho ŭžo nie było.
Žančynie prapanavali inšaha — taksama šera-biełaha, pakolki tak było paznačana ŭ dakumientach. Jana pahadziłasia. Tak i atrymała ŭ domie novaha žychara — O'Meli.
Sama kniha pačałasia z fotazdymkaŭ. Bryta rabiła zdymki kata ŭ roznych cikavych situacyjach, a zatym prydumlała da ich paciešnyja historyi ad jaho imia.
Spačatku jana vykładvała hetyja mini-apaviadańni ŭ błohu na svaim internet-sajcie. Čytačy ich acanili, i ŭ niejki momant uźnikła ideja aformić historyi pra pryhody O'Meli ŭ knihu.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia5
Kamientary