Spartyŭny dyrektar futbolnaha kłuba «Nioman» z Hrodna Dźmitryj Kavalonak znachodzicca na voli. Pra heta paviedamlaje Reform.by na padstavie infarmacyi z kanała, blizkaha da siłavikoŭ.
Dźmitryj Kavalonak. Fota: fcneman.by
Infarmacyja pra zatrymańnie Dźmitryja Kavalonka źjaviłasia ŭčora. U zapisanym siłavikami videa jon havaryŭ, što byŭ zatrymany za padpiski ŭ sacsietkach na «ekstremisckija materyjały». Praŭładny kanał śćviardžaŭ, što na mužčynu nibyta paskardzilisia sami futbalisty «Niomana»: maŭlaŭ, jon «naviazvaŭ im ekstremisckija idei».
45-hadovy Kavalonak — lehienda hrodzienskaha «Niomana». Za kłub jon adyhraŭ 14 siezonaŭ, nie pakinuŭ kamandu padčas jaje finansavych ciažkaściej i zastaŭsia z «žoŭta-zialonymi» ŭ jakaści spartyŭnaha dyrektara paśla zakančeńnia karjery.
Kamientary