Pastar prajedzie ŭzdoŭž miažy Biełarusi 1000 km u padtrymku palitviaźniaŭ
Taras Cialkoŭski — pastar pratestanckaj carkvy i biełaruski biežaniec — siońnia pačaŭ viełazajezd uzdoŭž usioj zachodniaj miažy Biełarusi (pa terytoryi Łatvii, Litvy, Polščy). Jon choča prajechać 1000 km, kab nahadać pra palitviaźniaŭ Biełarusi.
Taksama praz ahałosku hetaha zajezdu Cialkoŭski choča sabrać hrošy dla siamji biełaruskaha palitviaźnia, jakomu dali 6 hadoŭ źniavoleńnia, a žonka z dvuma dziećmi ciapier žyvie ŭ Polščy.
— U maim iracyjanalnym zajeździe jość adno racyjanalnaje źviano — žadańnie padtrymać maładuju siamju, jakaja zastałasia biez muža/baćki/karmiciela, tamu što apošni atrymaŭ 6 hadoŭ pazbaŭleńnia voli z uzmocnienym režymam. Pravaabaroncami Paša (muž Lesi) pryznany palityčnym źniavolenym. Lesia była vymušanaja biehčy ŭ Polšču z 2 maleńkimi dziećmi. Dziakujučy padtrymcy siabra Pašy i niekatorych cerkvaŭ u Lesi jość častkovaja dapamoha na žyćcio ŭ Varšavie, ale, naturalna, nichto ŭ adzinočku nie moža zakryć patreby maci z dvuma maleńkimi dziećmi.
Spravazdaču pra zajezd pastar publikuje ŭ instahramie.
U 2020 hodzie Cialkoŭski asudziŭ hvałt siłavikoŭ, pastara zatrymlivali na akcyjach pratestu. U 2021 hodzie jon źjechaŭ z krainy.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary