Namieśnik ministra zamiežnych spraŭ Litvy padaŭ u adstaŭku: jaho złavili za rulom napadpitku
«Ja zrabiŭ vialikuju i niedaravalnuju pamyłku — jechaŭ pjany, tamu ja pakidaju pasadu namieśnika ministra zamiežnych spraŭ», — napisaŭ siońnia Mantas Adamienas u fejsbuku.
Jon raskazaŭ, što ŭčora doŭha śviatkavaŭ ź siabrami.
«Ja dumaŭ, što budu ćviarozy, i pajechaŭ za try kiłamietry ad haradka ŭ Maletajskim rajonie na voziera kupacca. Akazałasia, što ja pamyliŭsia: na zvarotnym šlachu mianie pravieryli palicyjanty i vyjavili ŭ kryvi 0,62 pramile ałkaholu», — napisaŭ Mantas Adamienas.
«Heta tolki maja vina. Mnie vielmi škada. Ja nie sprabuju apraŭdvacca. Ja prašu prabačeńnia va ŭsich, čyj davier ja padmanuŭ svaimi dziejańniami», — dadaŭ jon.
Mantasu Adamienasu 52 hady. Jon skončyŭ fiłałahičny fakultet Vilenskaha ŭniviersiteta sa stupieńniu bakałaŭra, a taksama fakultet kłasičnych navuk Kiembrydžskaha ŭniviersiteta sa stupieńniu mahistra fiłasofii.
Vałodaje anhlijskaj, ruskaj, italjanskaj, polskaj, niamieckaj, francuzskaj, staražytnahreckaj, łacinskaj movami.
Niejki čas pracavaŭ vykładčykam. U 2008—2020 hadach byŭ deputatam Siejma Litvy ad kiroŭnaha siońnia Sajuza Ajčyny — Litoŭskich chryścijanskich demakrataŭ. Z 2020 hoda — vice-ministr zamiežnych spraŭ.
Śfiera dziejnaści i funkcyi jaho byli nastupnyja:
- pytańni farmiravańnia i realizacyi palityki Litvy ŭ AAN, ES i inšych šmatbakovych farmatach;
- pytańni kaardynacyi realizacyi mižnarodnych sankcyj;
- pytańni raźvićcia adnosin ź dziaržavami Blizkaha Uschodu, Łacinskaj Amieryki i Afryki;
- pytańni ŭmacavańnia palityki ŭschodniaha susiedstva, raźvićcia dvuchbakovych i šmatbakovych adnosin ź dziaržavami Uschodniaj Jeŭropy, Paŭdniovaha Kaŭkaza i Siaredniaj Azii dy inš.
Vice-ministr Litvy: Vosieńniu ŭ Siejmie moža być razhledžana pytańnie ab vydačy licenzij na aŭtobusnyja rejsy ŭ Biełaruś
«Siońnia my adčuvajem siabie jak Zachodni Bierlin u časy chałodnaj vajny». Litva zaklikała Niamieččynu paśpiašacca z raźmiaščeńniem čatyroch tysiač sałdat
Zakryćcio dvuch pierachodaŭ na miažy ź Litvoj pieranieśli
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary