Kiraŭnik MZS Polščy: Vyvad vahnieraŭcaŭ ź Biełarusi nie paŭpłyvaje na situacyju na miažy
Źbihnieŭ Rau ličyć važnym najaŭnaść jadziernaj zbroi.
Na dumku ministra zamiežnych spraŭ Polščy Źbihnieva Rau, vyvad najmitaŭ PVK «Vahnier» ź Biełarusi nie akaža istotnaha ŭpłyvu na biaśpieku polskaj miažy, piša Reform.by.
«Pravodziacca biełaruska-rasijskija vajskovyja vučeńni. Akramia taho, jość zajava — nakolki jana realizavanaja, skazać ciažka — pra toje, što hetaja jadziernaja zbroja budzie raźmieščanaja ŭ Biełarusi, tak što z hetaha punkta hledžańnia častkovaja prysutnaść hrupy Vahniera ŭ Biełarusi tut mała što dała, i sapraŭdy hetak ža fakty jaje vyvadu ŭ Rasiju mała što źmieniać», — zajaviŭ jon u efiry Wnet.fm.
«Najbolš važnym źjaŭlajecca pytańnie, jakoje ŭžo nie vyklikaje sumnievaŭ, što adkryćcio jašče adnaho mihracyjnaha frontu na miažy z Polščaj praź Biełaruś było preludyjaj da płanavanaha ŭvarvańnia na Ukrainu ŭ 2022 hodzie, tamu ŭžo nie vyklikaje sumnievaŭ, što metaj była destabilizacyja Polščy», — padkreśliŭ kiraŭnik polskaj dypłamatyi.
Jon taksama prakamientavaŭ infarmacyju ab hibieli Jaŭhiena Pryhožyna.
«Biezumoŭna, heta sihnał, vielmi ŭvažliva ŭspryniaty rasijskaj palityčnaj elitaj, jaki śviedčyć ab tym, što takaja forma jaho vybaru najvyšejšaj rasijskaj uładaj maksimalna funkcyjanalnaja […] Adnak, što tyčycca ŭsprymańnia hetaj padziei na mižnarodnaj arenie, ja dumaju, jana maje stać papiaredžańniem dla ŭsich udzielnikaŭ naładžvańnia dyjałohu ź siońniašniaj Rasijaj», — zajaviŭ kiraŭnik polskaha MZS.
Biełaruś prysabiečyła častku terytoryi Ukrainy dla ŭłasnych patreb? 1
Kamientary