Z sajta MHIMO vydalili artykuł Ilji Lamieškina pra Skarynu z pratesnym akravieršam
Z sajta časopisa Maskoŭskaha dziaržaŭnaha instytuta mižnarodnych adnosin «Konciepcija: fiłosofija, rielihija, kultura» źnik artykuł dacenta pražskaha Karłava ŭniviersiteta Ilji Lamieškina, u jakim jon akravieršam zašyfravaŭ frazu «Sdochni, Putler. Niet vojnie. I. Ł.» Uvahu na heta źviarnuła vydańnie SOTA.
Jašče ranicaj artykuł, pryśviečany biełaruskamu pieršadrukaru Francysku Skarynu, byŭ na sajcie dastupny.
Materyjał byŭ napisany Lamieškinym u śniežni 2022-ha, a 24 lutaha, u hadavinu pačatku poŭnamaštabnaj vajny va Ukrainie, jon simvalična adpraviŭ jaho kiraŭnictvu MHIMO dla nastupnaj publikacyi.
U artykule Illa Lamieškin zakadavaŭ palityčnaje pasłańnie vydaŭcam. Dla antypucinskaha i antyvajennaha zvarotu navukoviec vykarystaŭ niazvykły srodak pieradačy infarmacyi — akravierš. Jaho ŭpieršyniu ŭ svaich tekstach užyŭ 500 hadoŭ tamu sam Skaryna.
U akravieršy pačatkovyja litary vieršavanych radkoŭ, pračytanyja źvierchu ŭniz, utvarajuć słova ci frazu.
Materyjał składajecca z 22 abzacaŭ (adsyłka da 2022 hoda, pačatku ahresii Rasiei suprać Ukrainy), akravieršaŭ — z dvuch inicyjałaŭ u kancy artykuła i čatyroch leksiem, jakija razam utvarajuć dźvie prapanovy: «Sdochni Putler. Niet vojnie. I. Ł.»
Sam navukoviec raskazvaŭ, što śpiecyjalna nastojvaŭ na viorstcy, jakaja robić akravierš prykmietnym. Redakcyja časopisa pryniała ŭsie prośby aŭtara bieź piarečańniaŭ.
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio25
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka3
20 «analitykam Cichanoŭskaj» prysudzili hihanckija zavočnyja terminy. Bolš za ŭsich — Dabravolskamu6
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 10
Kamientary