U Połacku znajšli srebny pacir — carkoŭnuju čašu dla aśviačeńnia vina i pryniaćcia pryčaścia. Jaje pieradali ŭ Bohajaŭlenski sabor, paviedamiła pres-słužba Viciebskaha abłasnoha ŭpraŭleńnia MNS.
Carkoŭnaja čaša zroblena sa srebra 84-j proby ŭ maskoŭskaj majsterni Alaksieja Ściapanava. Jaje vaha — 760 hramaŭ, a vyšynia — 30 santymietraŭ.
Pacir znajšli supracoŭniki MNS — braty Alaksandr i Pavieł Bryl.
«My z bratam płavali niedaloka ad Bohajaŭlenskaha sabora, bačyli tam jakar, jaki chacieli dastać dla muzieja, padpłyŭ bližej da bieraha i ŭbačyŭ «kastrulku». Adrazu nie zrazumieŭ, što heta, raskapaŭ i ŭbačyŭ, što heta čaša», — raskazaŭ Alaksandr Bryl.
Jepiskap Połacki i Hłybocki Ihnacij paviedamiŭ, što znojdzienuju čašu adnoviać, a potym buduć vykarystoŭvać pry chryščeńni niemaŭlat i dla pryčaścia.
Jak paviedamlaje MNS, raniej braty ŭžo znachodzili mieč časoŭ VKŁ, a taksama dastali sa dna raki bolš za 30 jakaraŭ — dla budučaha muzieja pad adkrytym niebam.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha13
Kamientary