Padčas vizitu biełaruskich biskupaŭ da apostalskich parohaŭ u Vatykan Papa Bieniedykt XVI pravioŭ pryvatnyja sustrečy ź ijerarchami Biełaruskaj rymcka‑katalickaj carkvy,
paviedamiŭ pres‑sakratar BRKC ksiondz Alaksandr Amialčenia.
Pavodle jaho słoŭ, adbylisia sustrečy śviatoha ajca ź mitrapalitam Minska‑Mahiloŭskim arcybiskupam Tadevušam Kandrusievičam, dapamožnym biskupam Minska‑Mahiloŭskaj archidyjacezii Antonijem Dziamjankam, apostalskim administrataram Pinskaj dyjacezii kardynałam Kazimiram Śviontekam, dapamožnym biskupam Pinskaj dyjacezii Kazimiram Vielikasielcam i biskupam Hrodzienskim Alaksandram Kaškievičam.
Jak adznačyŭ ksiondz Alaksandr, sustrečy biełaruskich biskupaŭ ź Bieniedyktam XVI prajšli ŭ ščyraj i sardečnaj atmaśfiery.
Papa cikaviŭsia siońniašnim stanoviščam, raźvićciom i prablemami Biełaruskaj rymska‑katalickaj carkvy ŭ cełym i Minska‑Mahiloŭskaj archidyjacezii ŭ pryvatnaści.
«Pantyfik daŭ stanoŭčuju acenku pierśpiektyvam raźvićcia kaścioła ŭ našaj krainie i ź vialikim zadavalnieńniem sustreŭ paviedamleńnie ab pazityŭnym raźvićci adnosin z pravasłaŭnaj carkvoj i hramadskaściu», — skazaŭ pres‑sakratar BRKC.
Pavodle jaho słoŭ, u miežach vizitu biskupy ź Biełarusi naviedali šerah kanhrehacyj i radaŭ Vatykana. U viedamstvach apostalskaj stalicy biełaruskija ijerarchi pradstavili situacyju ŭ roznych kantekstach i abmierkavali aktualnyja dla krainy pytańni, skazaŭ ksiondz Alaksandr. Jon adznačyŭ, što padčas naviedvańnia kanhrehacyj biełaruskija ijerarchi sustreli z boku pradstaŭnikoŭ viedamstvaŭ razumieńnie i padtrymku, atrymali dobryja parady adnosna vyrašeńnia prablem Biełaruskaj rymska‑katalickaj carkvy.
Vizit da apostalskich parohaŭ biełaruskich biskupaŭ u Vatykan pravodzicca z 11 pa 17 śniežnia.
Na apošni dzień vizitu zapłanavana aŭdyjencyja biskupa Viciebskaha Uładzisłava Blina ŭ śviatoha ajca, a zatym sustreča ŭsich šaści biełaruskich ijerarchaŭ ź Bieniedyktam XVI, padčas jakoj biskupy jašče raz zaprosiać pantyfika naviedać Biełaruś.
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary