Łukašenka: Niekatoryja daktary źbiehli sa svajoj prafiesii i čort viedaje čym zajmajucca
Alaksandr Łukašenka siońnia prainśpiektavaŭ Minski rajon, padčas pajezdki jon zrabiŭ niekalki zajaŭ pierad praŭładnymi žurnalistami. Jon vykazaŭsia nakont situacyi z daktarami i čarhovy raz paabiacaŭ razabracca z cenami.
Achovu zdaroŭja treba pryvodzić u prytomnaść, skazaŭ jon. «Hety šturšok (vialikaja narada pa achovie zdaroŭja ŭ mai hetaha hoda.— NN) daŭ svoj vynik. Prynamsi, FAPy, učastkovyja balnicy my strasianuli surjozna. Jany šmat zrabili. Achovu zdaroŭja treba pryvodzić u prytomnaść. Paśla Novaha hoda ja płanuju da hetaha pytańnia viarnucca. Abaviazkova vierniemsia», — śćviardžaje Łukašenka.
«Tak, u nas dzieści nie chapaje daktaroŭ. Niekatoryja daktary źbiehli sa svajoj prafiesii i čort viedaje čym zajmajucca. Z časam my i hetuju prablemu vyrašym. Jość u mianie varyjanty. Ty doktar — idzi pracuj. Nie — pakładzi dypłom. Nie chočuć: šeść hadoŭ i dypłom kinuć. Nichto nie choča. Dyk kali ty nie pracuješ, jaki ty dypłamavany doktar? Heta značyć paradak treba navieści», — skazaŭ Łukašenka.
Nahadajem, što na naradzie 21 vieraśnia Łukašenka prapanavaŭ pavialičyć termin adpracoŭki pa raźmierkavańni.
«Nastaŭnika ci miedyka my jašče na pracy vučym, a jany źjazdžajuć. Ja liču, što tut pavinna dziejničać zabarona abo paŭzabarona. Nu, dapuścim, piać hadoŭ.
«Metaviku» — piać hadoŭ (jano tak jość i ciapier. — NN), a moža, dzieści aryjentavacca i na siem hadoŭ», — zahadaŭ Łukašenka.
Taksama Łukašenka čarhovy raz zajaviŭ, što zojmiecca cenami.
«U najbližejšy čas my praviadziom naradu i pahladzim, što ŭrad zrabiŭ za hety čas, kab my mahli ceny trymać kala siabie, za ruku. Pa vialikim rachunku my mieli racyju. Jašče jość tłuščyk, jaki možna šlifavać. Atrymlivajecca ceny trymać na patrebnym uzroŭni. Ale jašče jość nad čym pracavać», — skazaŭ palityk.
Praŭładnyja žurnalisty, u svaju čarhu, padziakavali jamu za bulbu.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary