Biełaruskuju kampaniju, jakaja prajhrała sud vytvorcy «Sputnika», pradaduć
Farmpradpryjemstva «Nacivita» vystaŭlena na aŭkcyjon «Bielurzabieśpiačeńnia». Pačatkovy košt łota krychu mienšy za 26 miljonaŭ rubloŭ, piša Office Life.
Navukova-vytvorčy kompleks «Nacivita» raźmieščany ŭ Biešankovičach. U skład łota ŭklučana niekalki abjektaŭ, u tym liku nieruchomaja majomaść i aŭtamabili. Samy bujny — budynak płoščaj 3013 kvadratnych mietraŭ.
Zajaŭki na ŭdzieł u aŭkcyjonie prymajucca da 15 listapada. Tarhi zapłanavanyja na 16 listapada.
U abjekta jość ipateka ŭ dačynieńni da kapitalnych budynkaŭ, a taksama zakład. Hetyja momanty paznačany ŭ jakaści ŭskładnieńnia.
Hod tamu pradpryjemstva prajhrała sud vytvorcu vakcyny ad karanavirusa «Sputnik V». Jaho abaviazali vypłacić rasijskaj farmaceŭtyčnaj kampanii «Bijakad» $2 młn.
Kampanija stvoranaja ŭ 2012 hodzie litoŭskimi, indyjskimi i słavackimi inviestarami pry ŭdziele biełaruskaha biznesoŭca Alaksieja Syčova. U pačatku hoda ŭrad istotna pašyryŭ śpis aktyvaŭ, jakija ich zamiežnyja ŭłaśniki nie majuć prava pradavać biez dazvołu ŭrada. U jaho ŭklučyli i «Nacivitu».
U listapadzie 2022 hoda pavodle rašeńnia arbitražnaha suda Sankt-Pieciarburha i Leninhradskaj vobłaści «Nacivita» pavinna była vypłacić kampanii «Bijakad» asnoŭnuju sumu doŭhu, niaŭstojku i pracenty za karystańnie hrašyma pa pastaŭcy lekavych srodkaŭ u 2020 hodzie. Jak śviedčyli materyjały suda, ahulnaja suma hetaha kantrakta składała $2,1 młn. Na praciahu 2021 hoda niekalki razoŭ pradaŭžalisia terminy apłaty i navat byli ŭviedzienyja štrafnyja 0,1% za kožny dzień praterminoŭki. U vyniku ŭ pačatku 2022-ha «Bijakad» padaŭ pazoŭ u sud, patrabujučy ad partniora pahašeńnia $1,68 młn asnoŭnaha doŭhu i inšych płaciažoŭ.
Čytajcie taksama:
Doktar raskazaŭ, ci daduć balničny biez tempieratury
Jak zaścierahčy siabie i svaich blizkich ad COVID-19 u novym siezonie. Parady
Minskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»1
Kamientary