Kamandujučy Suchaputnymi vojskami Ukrainy pra situacyju na froncie: Rasija pavialičvaje kolkaść techniki i pierahrupoŭvaje vojski
Alaksandr Syrski raskazaŭ, što rasiejcy praciahvajuć intensiŭnyja nastupalnyja dziejańni na Kupianskim i Bachmuckim kirunkach i pierahrupoŭvajucca na Limanskim.
«Na Bachmuckim kirunku praciahvajucca napružanyja bai kala Bahdanaŭki, vorah sprabuje nastupać u bok Časavaha Jara. Akramia taho, praciŭnik praciahvaje štodzionnyja šturmy pablizu Sińkoŭki dla stvareńnia płacdarmu i nastupnaha nastupu na horad Kupiansk», — napisaŭ Syrski ŭ telehramie.
Na Limanskim kirunku rasijskija vojski paśla paniesienych strat pravodziać pierahrupoŭku i padrychtoŭku da viadzieńnia nastupaŭ. RF na hetym kirunku aktyŭna prymianiaje avijacyju, nanosiačy ŭdary kiravanymi avijacyjnymi bombami.
U cełym praciŭnik pavialičyŭ vykarystańnie techniki padčas nastupaŭ dla padtrymki piachoty. Dla šturmaŭ aktyŭna pryciahvajucca padraździaleńni sfarmavanyja z byłych złačyncaŭ «Štorm Z» i «Štorm V». Sa słoŭ Syrskaha, akupanty pradaŭžajuć pierakidvać reziervy ź inšych kirunkaŭ.
«Našy voiny, niahledziačy na składanyja ŭmovy, mužna trymajuć abaronu i nie dajuć vorahu iści napierad. U orhanach kiravańnia ŭsich uzroŭniaŭ pastajanna pravodzicca rabota pa vypracoŭcy rašeńniaŭ, nakiravanych pierš za ŭsio na apiaredžańnie dziejańniaŭ voraha, viadzieńnie efiektyŭnaj kontrbatarejnaj baraćby, źniščeńnie reziervaŭ akupantaŭ na šlachach ich vyłučeńnia i zachavańnie žyćcia našych vajskoŭcaŭ», — padkreśliŭ kamandujučy.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje49
Kamientary