Kyrhyzstancu, jaki vajavaŭ u PVK «Vahnier», dali piać hadoŭ kałonii
I heta taksama byŭ źniavoleny z rasijskaj kałonii.
Narynski abłasny sud Kyrhyzstana prysudziŭ Bieknazara Baruhuł uułu da piaci hadoŭ pazbaŭleńnia voli za ŭdzieł u vajnie va Ukrainie ŭ składzie PVK «Vahnier». Ab vyniesienym jašče 7 śniežnia rašeńni sud paviedamiŭ tolki siońnia, 4 studzienia, piša «Sibir. Realii».
Ab zatrymańni 27-hadovaha žychara Narynskaj vobłaści, jaki vajavaŭ va Ukrainie ŭ PVK «Vahnier», stała viadoma ŭ žniŭni 2023 hoda. U PVK jon zavierbavaŭsia, budučy źniavolenym adnoj z rasijskich kałonij. Mužčynu zatrymali praz try tydni paśla viartańnia ŭ Kyrhyzstan.
U Dziaržaŭnym kamitecie nacyjanalnaj biaśpieki tady paviedamili, što raźbiralnictva ŭ dačynieńni da mužčyny viadziecca pa artykule «ŭdzieł hramadzianina KR va ŭzbrojenych kanfliktach abo vajennych dziejańniach na terytoryi zamiežnaj dziaržavy abo prachodžańnie padrychtoŭki dla ździajśnieńnia terarystyčnaha aktu».
Śpiecsłužba apublikavała videarolik, dzie pakazanyja kadry z padazravanym u vajskovaj formie i sa zbrojaj, a taksama momanty jaho zatrymańnia i pieratrusu. U videa taksama možna ŭbačyć uznaharody zatrymanaha, jak miarkujecca, atrymanyja za ŭdzieł u vajnie, dakumienty i simvoliku z łahatypam PVK «Vahnier».
Heta druhi vypadak zatrymańnia ŭ Kyrhyzstanie ŭdzielnika vajny va Ukrainie.
U mai 2023 hoda 31-hadovy kyrhyzstaniec Askar Kubanyčbiek uułu byŭ prysudžany sudom da 10 hadoŭ pazbaŭleńnia voli za ŭdzieł u vajnie suprać Ukrainy.
Ale ŭ žniŭni 2023 hoda Viarchoŭny sud admianiŭ rašeńni papiarednich instancyj i nakiravaŭ spravu na novy razhlad u rajonny sud.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj12
Kamientary