Viadziecca razmova ab pryviadzieńni ŭ paradak 515 rynkaŭ. Takoje daručeńnie daŭ prezident Šaŭkat Mirzijojeŭ.
Šaŭkat Mirzijojeŭ aznajomiŭsia z prajektami pa pieratvareńni rynkaŭ histaryčnych haradoŭ u kompleksy, pryvabnyja dla turystaŭ, a taksama z prajektami novych rynkaŭ u Taškiencie i inšych haradach, piša gazeta.uz.
Raniej prezident zajaviŭ, što rynki nieabchodna pieratvaryć u «vizitnuju kartku» Uźbiekistana. Jon daručyŭ raspracavać prajekt novych sučasnych rynkavych kompleksaŭ, jakija adlustroŭvajuć nacyjanalnuju kulturu.
«Varta pieratvaryć rynki ŭ «vizitnuju kartku» krainy, zachavaŭšy ich unikalnyja asablivaści. Kramy praduktaŭ charčavańnia, adzieńnia, juvielirnych vyrabaŭ, hastranamičnyja, zabaŭlalnyja ŭstanovy pavinny harmanična dapaŭniać adzin adnaho i pryciahvać pakupnikoŭ i turystaŭ», — skazaŭ Šaŭkat Mirzijojeŭ.
Jon adznačyŭ važnaść vyvučeńnia dośviedu Turcyi i arabskich krain, pryciahnieńnia zamiežnych śpiecyjalistaŭ da prajektavańnia.
U chodzie prezientacyi taksama pradstaŭlena infarmacyja ab rynkach, jakija płanujecca pabudavać u takich turystyčnych centrach, jak Taškient, Samarkand, Buchara, Chiva, a taksama Bastanłykskim rajonie Taškienckaj vobłaści.
Kiraŭnik dziaržavy daŭ ukazańni pa adlustravańni ŭ prajektach kałarytu rehijonaŭ, stvareńni šyrokich umoŭ dla turystaŭ, havorycca ŭ paviedamleńni.
Pa dadzienych telekanała «Uźbiekistan 24», prezident adznačyŭ, što ŭ novym Taškiencie taksama nieabchodna sprajektavać budaŭnictva sučasnaha rynkavaha kompleksu. U cełym raspracoŭvajecca asobnaja prahrama pa pryviadzieńni ŭ paradak 515 rynkaŭ.
Što prapanavać Łukašenku za palitviaźniaŭ? Sprečka Stryžaka z Chomič8
Kamientary