Jakija krainy ryzykujuć zastacca biez abarony, kali prezidentam ZŠA stanie Donald Tramp
«Ja by zaachvočvaŭ Rasiju rabić usio, što jany, čort vaźmi, žadajuć», — kazaŭ raniej 45-y prezident ZŠA i patencyjny 47-y.
Były prezident ZŠA Donald Tramp niadaŭna zrabiŭ rezanansnuju zajavu: pavodle jaho słoŭ, jon nie staŭ by abaraniać krainy, jakija nie adpaviadajuć uzhodnienaj mecie NATA — tracić dva pracenty svajho vałavoha ŭnutranaha pradukta na abaronu. Bolš za toje, Tramp zajaviŭ, što jon dazvoliŭ by Rasii rabić toje, što jana choča, piša Bild.
Hienieralny sakratar NATP Jens Stołtenbierh asudziŭ vykazvańnie byłoha prezidenta ZŠA.
«Luboje mierkavańnie ab tym, što sajuźniki nie buduć abaraniacca, padryvaje ŭsiu našu biaśpieku, uklučajučy biaśpieku Złučanych Štataŭ», — skazaŭ jon.
Pavodle zajavy Trampa, 20 z 31 krainy NATA mohuć zastacca biez vajskovaj padtrymki ZŠA. Da ich adnosiacca nievialikija krainy, takija jak Čarnahoryja (1,87% VUP na abaronu pa stanie na 2023 hod), Paŭnočnaja Makiedonija (1,87%), Ałbanija (1,76%), Słavienija (1,35%), Bielhija (1,13 pracenta) i Luksiemburh (0,72 pracenta).
Akramia taho, jość i bujnyja dziaržavy, jakija ŭvachodziać u NATA, ale nie daciahvajuć da ŭkazanych vydatkaŭ na abaronu. Heta Francyja (1,9%), Niderłandy (1,7%), Italija (1,46%), Kanada (1,38%), Turcyja (1,31%) i Ispanija (1,26%).
Hiermanija znachodzicca ŭ siaredzinie hetaj hrupy i tracić 1,57 pracenta vałavoha ŭnutranaha praduktu na abaronu. Adnak va ŭradzie FRH havorać ab tym, što patrebny pakazčyk moža być dasiahnuty ŭžo sioleta.
Charakterna, što ŭ pracentnych suadnosinach bolš za ŭsio na vajennuju śfieru traciać nie Złučanyja Štaty (3,49%), a Polšča (3,9%). Pry hetym vajenny biudžet ZŠA składaje 860 miljardaŭ dołaraŭ — heta ŭ dva razy bolš, čym układvajuć u abaronu ŭsie astatnija krainy NATA razam uziatyja.
«Ja nie budu vas abaraniać, budu zaachvočvać Rasiju rabić usio, što im zachočacca». Tramp zhadaŭ staruju razmovu z sajuźnikami pa NATA
Jeŭropie treba dziesiać hadoŭ, kab całkam padrychtavacca da abarony — kiraŭnik Rheinmetal
Zachodnija palityki adreahavali na słovy Trampa pra admovu abaraniać ad Rasii
U ZŠA pačaŭsia padlik hałasoŭ. Tramp pakul lidziruje z vynikam 101 na 49
Kamientary
Čas płacić za svaju abaronu - z pracentami za minułyja hady