Якія краіны рызыкуюць застацца без абароны, калі прэзідэнтам ЗША стане Дональд Трамп
«Я бы заахвочваў Расію рабіць усё, што яны, чорт вазьмі, жадаюць», — казаў раней 45-ы прэзідэнт ЗША і патэнцыйны 47-ы.
Былы прэзідэнт ЗША Дональд Трамп нядаўна зрабіў рэзанансную заяву: паводле яго слоў, ён не стаў бы абараняць краіны, якія не адпавядаюць узгодненай мэце НАТА — траціць два працэнты свайго валавога ўнутранага прадукта на абарону. Больш за тое, Трамп заявіў, што ён дазволіў бы Расіі рабіць тое, што яна хоча, піша Bild.
Генеральны сакратар NATP Енс Столтэнберг асудзіў выказванне былога прэзідэнта ЗША.
«Любое меркаванне аб тым, што саюзнікі не будуць абараняцца, падрывае ўсю нашу бяспеку, уключаючы бяспеку Злучаных Штатаў», — сказаў ён.
Паводле заявы Трампа, 20 з 31 краіны НАТА могуць застацца без вайсковай падтрымкі ЗША. Да іх адносяцца невялікія краіны, такія як Чарнагорыя (1,87% ВУП на абарону па стане на 2023 год), Паўночная Македонія (1,87%), Албанія (1,76%), Славенія (1,35%), Бельгія (1,13 працэнта) і Люксембург (0,72 працэнта).
Акрамя таго, ёсць і буйныя дзяржавы, якія ўваходзяць у НАТА, але не дацягваюць да ўказаных выдаткаў на абарону. Гэта Францыя (1,9%), Нідэрланды (1,7%), Італія (1,46%), Канада (1,38%), Турцыя (1,31%) і Іспанія (1,26%).
Германія знаходзіцца ў сярэдзіне гэтай групы і траціць 1,57 працэнта валавога ўнутранага прадукту на абарону. Аднак ва ўрадзе ФРГ гавораць аб тым, што патрэбны паказчык можа быць дасягнуты ўжо сёлета.
Характэрна, што ў працэнтных суадносінах больш за ўсё на ваенную сферу трацяць не Злучаныя Штаты (3,49%), а Польшча (3,9%). Пры гэтым ваенны бюджэт ЗША складае 860 мільярдаў долараў — гэта ў два разы больш, чым укладваюць у абарону ўсе астатнія краіны НАТА разам узятыя.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары
Час плаціць за сваю абарону - з працэнтамі за мінулыя гады