U minski pab na dydžej-set rasijskaha komika ŭvarvalisia siłaviki
U subotu, 18 traŭnia, padčas seta rasiejskaha komika i dydžeja Rusłana Reptiloid u minskim pabie «Bruhie» ŭ zale źjavilisia siłaviki i zładzili pieratrus siarod prysutnych, daviedałasia «Lusterka».
Pra vizit siłavikoŭ u «Bruhie» vydańniu stała viadoma ad dźviuch nie źviazanych pamiž saboj krynic. Vierahodna, u pab prychodziŭ AMAP.
«Byli kasmanaŭty. Ahlad telefonaŭ, ruki ŭhoru, lažańnie na padłozie — usio heta było. Vyvaročvali kišeni, zdymali boty i škarpetki», — raskazaŭ adzin z surazmoŭcaŭ.
Što mienavita stała pryčynaj vizitu siłavikoŭ, nieviadoma. Vierahodna, što ŭ naviednikaŭ seta mahli šukać narkotyki i «ekstremizm».
Ci byli zatrymańni, krynicy «Lusterka» nie viedajuć. U sacsietkach samoha «Bruhie» pra incydent ničoha nie paviedamlali.
Rustam Reptiloid Saidachmietaŭ — rasijski stendap-komik, adzin z udzielnikaŭ dueta «Lena Kuka», jaki ŭdzielničaŭ i dvojčy pieramahaŭ u «Kamiedzi Battł» na TNT. Paśla sychodu ź jutub-šou staŭ zajmacca elektronnaj muzykaj.
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary