Vuličnyja akcyi 14 lutaha siabie vyčarpali.
Mižnarodnaja maładziožnaja arhanizacyja «Małady front» (Čechija) nie budzie pravodzić tradycyjnaje šeście ŭ Dzień śviatoha Valancina 14 lutaha.
Pra heta 2 lutaha na pres‑kanfierencyi ŭ Minsku paviedamiŭ namieśnik staršyni arhanizacyi Ivan Šyła.
Pavodle jaho słoŭ, vuličnyja akcyi 14 lutaha «siabie vyčarpali».
«Na šeście prychodzić prykładna sto čałaviek, jany tradycyjna razhaniajucca milicyjaj. My vyrašyli, što takim čynam my nie pryciahniem u arhanizacyju novych ludziej. Patrebna «pierafarmatavańnie» akcyi ŭ Dzień śviatoha Valancina. Na maju dumku, «Małady front» pieraros farmat takich akcyj. Tamu tradycyjnaj vuličnaj akcyi 14 lutaha nie budzie», — skazaŭ Šyła.
Pavodle jaho słoŭ, zamiest akcyi a
dbudziecca ŭručeńnie pieršaj nacyjanalnaj premii za luboŭ da Biełarusi, zasnavanaj «Maładym frontam». Uručeńnie premii adbudziecca 14 lutaha ŭ haścinicy Crown Plaza ŭ Minsku.
«Na ŭručeńnie premii zaprošana bolš za 300 haściej: žurnalisty, pradstaŭniki dypłamatyčnaha korpusu, znakamityja dziejačy kultury i mastactva Biełarusi. Heta premija nie materyjalnaja, a, chutčej, maralnaja. My vyrašyli adznačyć tych, chto dasiahnuŭ peŭnych vynikaŭ u papularyzacyi biełaruskaj movy i biełaruskaj kultury», — adznačyŭ Šyła.
Adnak, pavodle słoŭ lidera «Maładoha frontu» Źmitra Daškieviča, arhanizacyja nie admaŭlajecca ad praviadzieńnia inšych akcyj, pryśviečanych Dniu śviatoha Valancina. «Jak i raniej, pradstaŭniki našaj arhanizacyi naviedajuć pasolstvy krain Jeŭrasajuza, kab pieradać pasłam vinšavańni z hetym dniom, vykazać słovy lubovi da Jeŭropy i jašče raz adznačyć, što vybar Biełarusi — heta intehracyja ŭ jeŭrapiejskuju supolnaść», — skazaŭ Daškievič.
Pry hetym jon adznačyŭ, što sioleta 14 lutaha vypadaje na niadzielu, kali dypłamatyčnyja misii nie pracujuć. «Tamu našy aktyvisty pavinšujuć supracoŭnikaŭ jeŭrapiejskich pasolstvaŭ zahadzia — u piatnicu, 12 lutaha», — padkreśliŭ Daškievič.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu24
Kamientary