Va ŭzroście 86 hadoŭ pajšoŭ z žyćcia Alaksandr Hieorhijevič Dłatoŭski, biełaruski vynachodnik, dyzajnier i stvaralnik unikalnych transpartnych srodkaŭ. Pra heta piša Onliner sa spasyłkaju na arhanizataraŭ retravystavy «Koła času».
Alaksandr Hieorhijevič Dłatoŭski — čałaviek, jakoha ŭ sučasnym śviecie nazvali b dyzajnieram, chacia ŭ časy jaho vučoby hety napramak nazyvali pramysłovym mastactvam.
Dypłomnym prajektam Alaksandra Dłatoŭskaha byŭ nadzvyčajny aŭtamabilčyk, zrobleny z matacykła Jawa. A ŭ 70-je hady minułaha stahodździ jon stvaryŭ unikalnuju pa tych časach mašynu z patencyjałam drobnasieryjnaj vytvorčaści — «Dłotu», vystupaŭ u aŭtamabilnych prabiehach i sam ža ich arhanizoŭvaŭ.
U 1990-ch Alaksandr Dłatoŭski pačaŭ vykładać.
Mienavita hety čałaviek prydumaŭ, jak musić vyhladać tralejbus Vitovt. Paźniej na asnovie hetaj techniki stvaryli elektrobus.
«Ja zaŭsiody zastavaŭsia technarom», — kazaŭ pra siabie vynachodnik, jaki ŭpryhožyŭ svaimi prajektami historyju ajčynnaha aŭtamabilebudavańnia.
Volha Čamadanava taksama budzie sparynh-partnioram na vybarach7
Kamientary