Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam
34-hadovy žychar pasiołka Bierazino ŭ Adeskaj vobłaści Artur Jan źbieh ad mabilizacyi z Ukrainy, paśla čaho trapiŭ u rasijskaje vojska, piša Gordonua.com.
![](http://nashaniva.com/img/w840d4webp1/photos/z_2024_07/71_main-v1721597497-jot0b.jpg.webp)
Mužčyna adznačyŭ, što bajaŭsia vajavać, tamu ŭ 2023 hodzie vyjechaŭ z Ukrainy tranzitam praz Małdovu na terytoryju Rasii, dzie pražyvaje jaho brat. Za niezakonny vyjezd padčas vajennaha stanovišča jon zapłaciŭ $ 6 tys.
Ale da brata, jak paviedamiŭ mužčyna, jon tak i nie dajechaŭ, pakolki jany pasvarylisia. Spačatku žyŭ u znajomaha ŭ Pskoŭskaj vobłaści, aformiŭ rasijski pašpart, a potym pierajechaŭ da jaho syna ŭ Nižni Noŭharad, dadaŭ jon.
Pa słovach Jana, paśla taho, jak stabilnaj pracy i žylla nie stała, «na apošnija hrošy» kupiŭ ałkahol i «na niećviarozuju hałavu» pryniaŭ rašeńnie padpisać kantrakt z rasijskaj armijaj.
Uśviadomiŭšy, u jakuju situacyju trapiŭ, jon pasprabavaŭ uciačy.
Jak raspavioŭ Jan, pieršaja sproba pravaliłasia — jaho złavili, a druhaja — pryjšłasia na bajavoje zadańnie. Unačy jon adstaŭ ad rasijskaj hrupy i nakiravaŭsia ŭ bok padkantrolnaj Ukrainie terytoryi.
Paśla niekalkich dzion błukańniaŭ jon ubačyŭ ukrainskija pazicyi, dzie zdaŭsia ŭ pałon.
Kamientary