U Kitai banki zavaročvajuć 80% płaciažoŭ u juaniach ad rasijskich firmaŭ
Źjaŭlajecca ŭsio bolš śviedčańniaŭ taho, što kitajskija banki praz bojaź trapić pad amierykanskija sankcyi masava admaŭlajucca absłuhoŭvać tranzakcyi rasijskich kampanij u juaniach. Jak paviedamiŭ «Kommiersant'» sa spasyłkaj na ŭłasnyja krynicy na finansavym rynku, kala 80% płaciažoŭ rasijskich kampanij u juaniach kitajskija banki viartajuć nazad.
U suviazi z hetym rasijski biznes vymušany pryciahvać pasiarednikaŭ, što pavialičvaje kančatkovy košt ździełak — firmam davodzicca vydatkoŭvać hrošy na dadatkovyja kamisii.
Pavodle danych vydańnia, niaredka płaciažy zavisajuć na rachunkach ciaham niekalkich tydniaŭ, a potym viartajucca nazad bieź jakich-niebudź tłumačeńniaŭ z boku kitajskich bankaŭ.
Śćviardžajecca, što prablemy z płaciažami pačalisia ŭ kancy 2023 hoda, kali ZŠA ŭviali druhasnyja sankcyi dla zamiežnych bankaŭ, jakija pracujuć z šeraham rasijskich pradpryjemstvaŭ.
Situacyja pahoršyłasia 12 červienia 2024 hoda, kali ZŠA ŭviali ekanamičnyja abmiežavańni suprać Rasii, pad jakija trapili Nacyjanalny klirynhavy centr i Maskoŭskaja birža.
«Piakielnaje śviata vyjšła. Z achviaraprynašeńniem». Žychary Vałožyna paviedamlajuć pra raspravu nad katami i sabakami8
Kamientary