Łatvija pieradaść Ukrainie 100 dronaŭ, srodki na jakija sabrała kiraŭnica łatvijskaha MZS
Ministerstva zamiežnych spraŭ Łatvii pieradaść Ukrainie 100 bieśpiłotnikaŭ, nabytych na srodki, jakija kiraŭnik viedamstva Bajba Braže sabrała, prabiehšy paŭmarafon viasnoj hetaha hoda, piša «Jeŭrapiejskaja praŭda».
U mai ministarka zamiežnych spraŭ Łatvii ŭziała ŭdzieł u Ryžskim marafonie dla zboru srodkaŭ na drony dla Ukrainy, i pieraadoleła dystancyju paŭmarafonu — 21 kiłamietr. U vyniku joj udałosia sabrać 14 tysiač jeŭra.
Łatvija, jak viadoma, razam ź Vialikabrytanijaj uznačalvaje «kaalicyju bieśpiłotnikaŭ» dla Ukrainy, jakaja imkniecca da kanca hoda pieradać USU adzin miljon dronaŭ roznych typaŭ.
Jak adznačaje LSM.lv, Ukraina ŭžo atrymała biaspłatna bolš za 300 dronaŭ łatvijskaj vytvorčaści Irsis i Lāčplēsis.
Kamientary