Datčanin, kab zastacca ŭ Rasii, padpisaŭ kantrakt ź Minabarony. Jaho adpravili na vajnu
Hramadzianin Danii chacieŭ «vyratavacca ad jeŭrapiejskich kaštoŭnaściaŭ», a ciapier sudzicca ź Minabarony z Rasii, kab viarnucca na radzimu.
Datčanin pryjechaŭ u Rasiju letam 2023 hoda. Znajomym jon raspaviadaŭ, što pryniaŭ takoje rašeńnie, kab «vyratavacca ad ich kaštoŭnaściaŭ».
Da kastryčnika ŭ 32-hadovaha mužčyny zakančvaŭsia termin znachodžańnia ŭ Rasii. Jon źviarnuŭsia ŭ palicyju, kab padoŭžyć dakumient, ale siłaviki ciahnuli z adkazam, a termin nabližaŭsia.
Tady chtości paraiŭ Madsu (imia źmienienaje) padpisać kantrakt ź Minabarony — maŭlaŭ, heta dazvolić zastacca ŭ Rasii.
Datčanin byŭ nie suprać. Jon sam chacieŭ stać vajskoŭcam, ale pry hetym na front jon nie źbiraŭsia, piša Baza.
Datčanin pryjšoŭ u viarbovačny centr «Patryjot» i padpisaŭ kantrakt na nieznajomaj jamu ruskaj movie. A nieŭzabavie jon raptam adpraviŭsia na vajnu suprać Ukrainy.
Madsa adpravili ŭ padraździaleńnie, jakoje zajmajecca bieśpiłotnikami i dronami na terytoryi akupavanaj Łuhanskaj vobłaści. Pa słovach advakata datčanina Ramana Piatrova, słužyć Madsu nie vielmi padabajecca — asabliva z-za susiedziaŭ z Paŭdniovaj Azii, ź jakimi jaho adpravili ŭ adzin blindaž. Jany časta plujuć na padłohu, što achajnamu datčaninu nie padabajecca. Akramia taho, Mads skardzicca, što jaho prymušajuć pić harełku.
U studzieni 2024 hoda Madsu patelefanavali z palicyi i paviedamili, što jamu dazvolili padoŭžyć termin znachodžańnia ŭ Rasii, ale było ŭžo pozna. Datčanina niekalki razoŭ dapytvali — sprabavali daviedacca, navošta jon pajechaŭ na vajnu. Mads tłumačyŭ, što nie źbiraŭsia hetaha rabić.
Uviesnu datčanin padaŭ pazoŭ da Minabarony: jon paprasiŭ pryznać kantrakt niesapraŭdnym, tamu što tekst byŭ na rasiejskaj movie, jakoj Mads nie vałodaje. Adpaviedna, jon padpisvaŭsia na ŭmovy, jakija nie razumieŭ.
U harnizonnym vajennym sudzie datčanin prajhraŭ, u apielacyi jamu taksama admoŭlena. Sa słoŭ advakata, Mads — adziny datčanin u rasijskaj armii. Ciapier jon vielmi spadziajecca, što jaho historyju zaŭvažać u pasolstvie Danii, dapamohuć vyjhrać sud ź Minabarony i viernuć dadomu.
Usiu Biełaruś pačali razmaloŭvać prymityŭnymi murałami ad BRSM 7
Kamientary