Žycharoŭ Homielščyny prainfarmavali pra pavodziny na vypadak ataki bieśpiłotnikaŭ
«Zastavajciesia na ziamli, pakul nie skončacca vybuchi».
Pradpryjemstva «Homielenierha» ŭ svaim telehram-kanale apublikavała vialiki dopis z ałharytmam dziejańniaŭ na vypadak ataki dronaŭ. Heta zdaryłasia na nastupny dzień paśla zajavy Łukašenki pra źbićcio BPŁA nad Mahiloŭskaj vobłaściu i ŭzmacnieńnia vajskovaj hrupoŭki na poŭdni Biełarusi.
Žycharam pryhraničnych rajonaŭ rekamiendujuć zachoŭvać spakoj i dbać pra ŭłasnuju biaśpieku.
Kali dazvalaje čas, to enierhietyki rajać schavacca ŭ kapitalnym zbudavańni padalej ad vakon i šklanych vitryn, albo za drevami z hustymi kronami.
Kali niama dzie schavacca, to treba terminova lehčy na ziamlu i prycisnuć łokci da cieła. Kali jość pobač jamina ci kanava, to treba zaskočyć tudy. Na ziamli treba zastavacca, pakul nie skončacca vybuchi.
Kali ataka zaśpieła doma, to treba iści ŭ pakoj, adasobleny dźviuma hłuchimi ścienami ad kirunku prylotu dronaŭ. Najbiaśpiečniejšym miescam ličycca vanny pakoj.
Kali čałaviek znachodzicca ŭ mašynie, to ni ŭ jakim razie nie treba źjazdžać. Treba spynić aŭto, vyjści ź jaho i lehčy na ziamlu.
Dron, što ŭpaŭ, nielha kranać i padychodzić blizka da jaho.
Łatuška — Łukašenku: Ja hatovy ŭdzielničać u vybarach-2025 hodzie, ale ty — bajaźliviec i šuler27
Kamientary