Жыхароў Гомельшчыны праінфармавалі пра паводзіны на выпадак атакі беспілотнікаў
«Заставайцеся на зямлі, пакуль не скончацца выбухі».
![](http://nashaniva.com/img/w840d4webp1/photos/z_2024_08/2024-08-11141741-2f3zd.png.webp)
Прадпрыемства «Гомельэнерга» ў сваім тэлеграм-канале апублікавала вялікі допіс з алгарытмам дзеянняў на выпадак атакі дронаў. Гэта здарылася на наступны дзень пасля заявы Лукашэнкі пра збіццё БПЛА над Магілёўскай вобласцю і ўзмацнення вайсковай групоўкі на поўдні Беларусі.
![](http://nashaniva.com/img/w732d4webp1/photos/z_2024_08/2024-08-11141016-bma4m.png.webp)
Жыхарам прыгранічных раёнаў рэкамендуюць захоўваць спакой і дбаць пра ўласную бяспеку.
Калі дазваляе час, то энергетыкі раяць схавацца ў капітальным збудаванні падалей ад вакон і шкляных вітрын, альбо за дрэвамі з густымі кронамі.
Калі няма дзе схавацца, то трэба тэрмінова легчы на зямлю і прыціснуць локці да цела. Калі ёсць побач яміна ці канава, то трэба заскочыць туды. На зямлі трэба заставацца, пакуль не скончацца выбухі.
Калі атака заспела дома, то трэба ісці ў пакой, адасоблены дзвюма глухімі сценамі ад кірунку прылёту дронаў. Найбяспечнейшым месцам лічыцца ванны пакой.
Калі чалавек знаходзіцца ў машыне, то ні ў якім разе не трэба з'язджаць. Трэба спыніць аўто, выйсці з яго і легчы на зямлю.
Дрон, што ўпаў, нельга кранаць і падыходзіць блізка да яго.
Каментары