U spravie śmierci zorki sieryjała «Siabry» Mećju Pery źjavilisia abvinavačanyja, ich piaciora
Rasśledavańnie vyjaviła «šyrokuju padpolnuju złačynnuju sietku» pastaŭščykoŭ narkotykaŭ, jakija ŭ vielizarnych kolkaściach raspaŭsiudžvali kietamin.
Palicyja Łos-Andželesa nazvała piaciarych abvinavačanych pa spravie ab śmierci akciora Mećju Pery, najbolš viadomaha pa roli ŭ sieryjale «Siabry» i jaki pamior u kancy kastryčnika minułaha hoda ad pieradaziroŭki narkotykaŭ. U ich liku asabisty pamočnik zorki i dvoje jaho daktaroŭ, piša Bi-bi-si.
Jak zajavili ŭ pres-słužbie palicyi, pačataje ŭ mai rasśledavańnie vyjaviła «šyrokuju padpolnuju złačynnuju sietku» pastaŭščykoŭ narkotykaŭ, jakija ŭ vielizarnych kolkaściach raspaŭsiudžvali kietamin.
Cieła 54-hadovaha Pery było znojdziena ŭ jaho doma ŭ Łos-Andželesie ŭ kastryčniku. Praviedzienaja sudova-miedycynskaja ekśpiertyza pakazała najaŭnaść u kryvi akciora vysokaj kancentracyi kietaminu — narkatyčnaha rečyva, abarot jakoha stroha kantralujecca dziaržavaj, — a pieradaziroŭka jakim i pryviała da śmiarotnaha vyniku.
«[Nazvanyja] abvinavačanyja skarystalisia zaležnaściu mistera Pery z metaj asabistaha ŭzbahačeńnia, — zajaviŭ u čaćvier prakuror ZŠA Marcin Estrada. — Jany viedali, što dla Pery ich dziejańni jość vialikaj niebiaśpiekaj, ale ŭsio roŭna ździejśnili zadumanaje».
Troje abvinavačanych, u tym liku asabisty pamočnik Pery, užo pryznali svaju vinu pa abvinavačvańni ŭ zachoŭvańni narkotykaŭ.
Dvuch inšych — adnaho z daktaroŭ kinazorki i narkadylerku, jakaja prachodzić pad psieŭdanimam «Karaleva kietaminu», — u čaćvier aryštavali.
Kietamin — mahutny abiazbolvalny srodak — vykarystoŭvajecca ŭ lačeńni ciažkaj depresii, tryvožnaha rasstrojstva i mocnych bolaŭ.
Blizkija zahinułaha akciora raspaviali śledčym, što Pery prachodziŭ kurs infuzijnaj terapii kietaminam, adnak apošni sieans byŭ praviedzieny bolš čym za tydzień da jaho śmierci.
Zhodna z zaklučeńniem sudmiedekśpiertaŭ, pieryjad paŭraspadu kietaminu ŭ arhaniźmie čałavieka zanadta karotki, a tamu na nastupstvy infuzijnych terapii vynik paśmiarotnych analizaŭ śpisać nijak nielha.
Pa słovach taksikołaha, kancentracyja kietaminu ŭ arhaniźmie akciora była paraŭnalnaja z anałahičnym pakazčykam pry ahulnaj aniestezii.
U abvinavaŭčym zaklučeńni, pieradadzienym u Fiederalny sud, padrabiazna apisana zabłytanaja schiema nabyćcia narkotykaŭ, jakaja, na dumku abvinavaŭcaŭ, u kančatkovym vyniku i pryviała da śmierci Pery.
Kamientary
Da padrobnaściaŭ spravy: pieraśledujucca ludzi jakija dapamahali čałavieku sucišyć BOL. Zaŭziody ŭ dziaržaby hučyć refrenam i strašennaje złačynstva ŭzbahačeńnia. Viadoma, tre być žabrakami. Až takimi ŭzbahačalnymi zabaronienyja rečyvy robić mienavita zabarona.
P.S. Navat katkam i chatnim hadavancam zahadana pakutavać, až da łukašenak pa Śviecie pazabaraniali-pazarehulavali ketanoidy.
P.P.S. Istotny momant, pazyvajecca nie spadkajemca pamierłaha, jak ŭ sapraŭdnych złačynstvach, a prakuror!