U Krevie miascovy haspadar sabraŭ samarobny traktar z aŭtazapčastak
«Jon lubić techniku, i technika lubić jaho!», — tak z honaram havoryć pra svajho muža Alaksandra Taćciana Trus. Pa słovach žančyny, jaje muž vałodaje ŭnikalnymi navykami i viedami, jakija dazvalajuć jamu ramantavać aŭtamabili i navat źbirać ich praktyčna z nula. Pra heta śviedčyć samarobny traktar na ich učastku, jaki Alaksandr sabraŭ dla svajoj haspadarki, piša smarhonskaja rajonka «Śvietły šlach».
U dzień pryjezdu karespandentaŭ vydańnia ŭ Kreva haspadara traktara nie było doma, ale pra ŭsie tonkaści niezvyčajnaha chobi svajho muža raskazała jahonaja žonka.
«Luboŭ da techniki majmu mužu, napeŭna, pryščapiŭ jaho baćka jašče ŭ dziacinstvie, jaki ŭsio žyćcio prapracavaŭ na traktary. U Alaksandra niama niepatrebnaj detali, i ničoha jon nie vykidaje ŭ mietałałom. Kaža, što kali-niebudź hetaja haječka abo šaściareńka moža stać častkaj vialikaha miechanizmu. Voś tak prykładna pa krupinkach jon niekalki hadoŭ i źbiraŭ hety traktar», — raskazała Taćciana Trus.
Ni čarciaža, ni eskiza dla realizacyi svajoj zadumki ŭ mužčyny nie było. Vykarystaŭ toje, što padychodziła ad inšych aŭtamabilaŭ. Kali padbiraŭ zapčastki dla svajho traktara, uličvaŭ ich sumiaščalnaść. Časam davodziłasia dapracoŭvać i pierarablać niekatoryja vuzły, kab jany idealna spałučalisia pamiž saboj. U vyniku ŭvažlivaha płanavańnia i ekśpierymientaŭ atrymaŭsia aryhinalny i funkcyjanalny transpartny srodak.
Siońnia biez samarobnaha traktara siamji Trusaŭ było b składana spraŭlacca z haspadarkaj. Niahledziačy na toje, što ŭčastak kala ich doma pa viaskovych mierkach i nievialiki, žalezny pamočnik vykonvaje mnostva zadač: vosieńniu i viasnoj zavorvaje aharod i pole pad pasadku bulby, a ciaham hoda pieravozić hruzy. Uletku, naprykład, traktar vykarystoŭvajuć dla pieravozki siena.
«Inšy b źlapiŭ, kab aŭtamabil chutčej pajechaŭ. A ja rablu, kab było mocna i pryhoža». Jak paleski majstar reanimuje staruju techniku
Niamiecki ruchavik, hidraŭlika, płuh u padarunak. Jak vyhladajuć i kolki kaštujuć biełaruskija traktary-samarobki
Žychar Vilejki svaimi rukami sabraŭ usiudychod, jaho nazvali «Biehiemotam»
Kitaj paprasiŭ Biełaruś narmalizavać adnosiny z Polščaj — krynica6
Kamientary