Adrazu niekalki składanych pažaraŭ likvidavała ŭčora dziaržlesachova, paviedamiła Ministerstva lasnoj haspadarki ŭ svaim telehram-kanale.
Dziaržlesachova likvidavała pažar i na bałocie Jelnia. Likvidacyjaj składanaha ačaha zajmałasia kala 120 čałaviek, u tym liku 4 rabotniki MNS.
![](http://nashaniva.com/img/w732d4webp1/photos/z_2024_09/paar2_240911-k0wg0.jpg.webp)
Byŭ łakalizavany pažar na Almanskich bałotach (Paleski lashas).
Viečaram tušyli pažar u Dzianisavickim laśnictvie Krupskaha lashasa. Tam taksama haryć bahnistaja miascovaść, pavodle papiarednich acenak, užo paškodžana 1,8 ha lesu. Na likvidacyju ačaha ściahnutyja ŭsie siły Krupskaha lashasa, a taksama dapamoha z Barysaŭskaha doślednaha i Biarezinskaha lashasa. Usiaho z ahniom zmahalisia bolš za 150 čałaviek.
Minlashas padkreślivaje, što ŭsie pieraličanyja ačahi zafiksavanyja ŭ jahadnych miescach. Zaraz — siezon zboru žuravin. Ale niahledziačy na zabaronu na naviedvańnie lasoŭ, hramadzianie śviadoma iduć na złačynstva, pazbaŭlajučy siabie i budučyja pakaleńni nie tolki jahad, ale bahataha lesu.
Kamientary