«Vospa małpaŭ — heta nie novy kavid». Ci budzie ŭviedzieny ŭ Jeŭropie karancin?
Ekśpierty surjozna zaniepakojenyja novym štamam mpox (raniejšaja nazva «vospa małpaŭ»), jaki davoli chutka raspaŭsiudžvajecca pa śviecie — ad Demakratyčnaj Respubliki Konha da Šviecyi, ale zajaŭlajuć, što, u adroźnieńnie ad situacyi z Covid-19, viedajuć, jak jaho kantralavać.
![](http://nashaniva.com/img/w840d4webp1/photos/z_2024_08/ap24227362446404-2-qfrib.png.webp)
Pa słovach dyrektara jeŭrapiejskaha kirunku Suśvietnaj arhanizacyi achovy zdaroŭja (SAAZ) Chansa Kluhie, spynić raspaŭsiudžvańnie mpox i nie dapuścić paniki možna sumiesnymi i svoječasovymi namahańniami, u pryvatnaści, dastaŭkaj vakcyn u najbolš uraźlivyja rehijony, piša BBC.
Uspyška štamu, jaki atrymaŭ nazvu Clade Ib, adbyłasia niekalki miesiacaŭ tamu ŭ Demakratyčnaj Respublicy Konha, dzie ad zachvorvańnia ŭžo pamierli sama mieniej 500 čałaviek.
Na kaniec červienia vypadki zaražeńniaŭ byli zafiksavany ŭ 116 krainach, uklučajučy Centralnaafrykanskuju Respubliku, Burundzi, Kieniju i Ruandu. U pačatku žniŭnia štam byŭ vyjaŭleny ŭ Šviecyi, ab kolkaści chvorych nie paviedamlajecca.
Ekśpierty zajaŭlajuć, što raspaŭsiudžvańnie virusa niepaźbiežna, kali nie buduć pryniatyja hłabalnyja miery.
Inšy štam vospy małpaŭ — Clade II — staŭ pryčynaj uspyški zachvorvańnia ŭ 2022 hodzie. Tady ačah uźnik u Jeŭropie, pierakinuŭsia na krainy Paŭnočnaj i Paŭdniovaj Amieryki i asobnyja krainy inšych kantynientaŭ.
U vyniku ŭ 110 krainach na vospu małpaŭ u 2022 hodzie pierachvareli 87 tysiač čałaviek, 112 chvorych pamierli. Pa słovach ekśpierta SAAZ Chansa Kluhie, luby štam virusa mpox paddajecca kantrolu pry ŭmovie niedyskryminacyjnych epidemijałahičnych mier i dastupnaści vakcyny.
Virus vyklikaje dryžyki, lichamanku, syp i inšyja parazy skury, i pieradajecca pry cialesnym kantakcie, uklučajučy seks.
Vakcyna — tak, maski — nie
Pa słovach Kluhie, ryzyka zaražeńnia dla nasielnictva ŭ cełym zastajecca nizkaj.
«Ci źbirajemsia my ŭvodzić karancin u jeŭrapiejskim rehijonie SAAZ, ci majem my spravu jašče z adnym Covid-19? Adnaznačna — nie», — zapeŭnivaje jon.
«Dva hady tamu my ŭziali pad kantrol mpox u Jeŭropie dziakujučy pramomu ŭzajemadziejańniu z najbolš zakranutymi supolnaściami mužčyn, jakija majuć pałavyja kantakty z mužčynami», — nahadaŭ jon.
Pavodle słoŭ Kluhie, ciapier u jeŭrapiejskim rehijonie štomiesiac rehistrujecca kala 100 novych vypadkaŭ zachvorvańnia hrupy II.
Padarožnikam, jakija naviedvajuć paciarpiełyja rajony Afryki, rekamiendujecca razhledzieć mahčymaść vakcynacyi.
Pradstaŭnik SAAZ Taryk Jasarevič zajaviŭ, što ŭ vypadku ŭ mpox SAAZ nie rekamienduje masavuju vakcynacyju, ale nastojliva raić vakcynavać vialikija hrupy hrupy ludziej u zonach ryzyki. Pa słovach Jasareviča, vykarystańnie masak taksama nie źjaŭlajecca rekamiendacyjaj SAAZ.
Kamientary
PS/ a vied́ eto mnohomilliardnyje zatraty. Na barki v tom čiśle Šviedov korienych.