Hamialčuk pracavaŭ taksistam biez pravoŭ. Akazałasia, u jaho nikoli nie było pravoŭ
Jaho dvojčy sudzili, ale jon usio roŭna praciahvaŭ taksavać.
Žychar Homiela pracavaŭ taksistam, nie majučy paśviedčańnia kiroŭcy. Pryčym, jak akazałasia, jon nikoli nie vučyŭsia ŭ aŭtaškole i nikoli nie zdavaŭ ispyt tam.
Hamialčanin niekatory čas pracavaŭ u Rasii, dzie i kupiŭ vadzicielskaje paśviedčańnie. Da taho času jaho ŭžo dvojčy sudzili za pjanuju jazdu biez paśviedčańnia, piša «Biełka».
U Rasii prablem z padroblenym paśviedčańniem u mužčyny nie ŭźnikała. Jon vyrašyŭ, što i ŭ Biełarusi ŭsio budzie dobra. Hamialčuk staŭ taksavać, pakul u kancy lipienia jaho nie spynili supracoŭniki DPS.
Pravieryŭšy kiroŭcu pa bazie, inśpiektar źviarnuŭ uvahu, što ź jaho da hetaha času nie źniatyja nakładzienyja sudom abmiežavańni. Mašynu adpravili na štrafstajanku.
A ŭžo kali hamialčanin pryjechaŭ za svaim aŭto, inśpiektar vyrašyŭ bolš pradmietna parazmaŭlać ab pachodžańni paśviedčańnia.
«Mužčyna pryznaŭsia, što paviedčańnie kupiŭ u Maskvie, a ŭ aŭtaškole nikoli nie vučyŭsia. U sud pieradadziena kryminalnaja sprava, uzbudžanaja pa fakcie vykarystańnia padroblenaha dakumienta», — raspaviała starejšy pamočnik prakurora horada Homiela Maryja Puškar.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?68
Kamientary