Гамяльчук працаваў таксістам без правоў. Аказалася, у яго ніколі не было правоў
Яго двойчы судзілі, але ён усё роўна працягваў таксаваць.
Жыхар Гомеля працаваў таксістам, не маючы пасведчання кіроўцы. Прычым, як аказалася, ён ніколі не вучыўся ў аўташколе і ніколі не здаваў іспыт там.
Гамяльчанін некаторы час працаваў у Расіі, дзе і купіў вадзіцельскае пасведчанне. Да таго часу яго ўжо двойчы судзілі за п'яную язду без пасведчання, піша «Белка».
У Расіі праблем з падробленым пасведчаннем у мужчыны не ўзнікала. Ён вырашыў, што і ў Беларусі ўсё будзе добра. Гамяльчук стаў таксаваць, пакуль у канцы ліпеня яго не спынілі супрацоўнікі ДПС.
Праверыўшы кіроўцу па базе, інспектар звярнуў увагу, што з яго да гэтага часу не знятыя накладзеныя судом абмежаванні. Машыну адправілі на штрафстаянку.
А ўжо калі гамяльчанін прыехаў за сваім аўто, інспектар вырашыў больш прадметна паразмаўляць аб паходжанні пасведчання.
«Мужчына прызнаўся, што паведчанне купіў у Маскве, а ў аўташколе ніколі не вучыўся. У суд перададзена крымінальная справа, узбуджаная па факце выкарыстання падробленага дакумента», — распавяла старэйшы памочнік пракурора горада Гомеля Марыя Пушкар.
Беларуская блогерка працавала на расійскай апазіцыйнай фабрыцы ботаў, а пасля зліла дакументы?40
Каментары