Rasija moža rychtavać dyviersii suprać mižnarodnych padvodnych kamunikacyj
Raspracoŭka dyviersijnych apieracyj viadziecca praz Hałoŭnaje ŭpraŭleńnie hłybakavodnych daśledavańniaŭ (HUHD) Minabarony Rasii, paviedamlaje «Hołas Amieryki» sa spasyłkaj na CNN.
ZŠA fiksujuć uzmacnieńnie rasijskaj vajskovaj aktyŭnaści ŭ rajonie klučavych padvodnych kabielaŭ i miarkujuć, što ciapier Rasija moža z bolšaj imaviernaściu pravodzić patencyjnyja dyviersijnyja apieracyi, nakiravanyja na vyvad z ładu najvažniejšaj častki suśvietnaj kamunikacyjnaj infrastruktury, paviedamiła telekampanija CNN sa spasyłkaj na dvuch ananimnych amierykanskich čynoŭnikaŭ va ŭradzie ZŠA.
«My zaniepakojenyja pavyšanaj vajenna-marskoj aktyŭnaściu Rasii pa ŭsim śviecie i tym, što raźliki Rasii pa naniasieńni škody padvodnaj krytyčnaj infrastruktury ZŠA i ich sajuźnikaŭ mohuć źmianicca, — zajaviŭ CNN adzin z čynoŭnikaŭ. — Rasija praciahvaje raźvivać vajenna-marskija mahčymaści dla ažyćciaŭleńnia padvodnych dyviersij, u asnoŭnym z dapamohaj HUHD — sakretnaha padraździaleńnia, jaki kiruje nadvodnymi karablami, padvodnymi łodkami i vajenna-marskimi bieśpiłotnikami».
ZŠA rehularna adsočvajuć rasijskija karabli, jakija patrulujuć pablizu najvažniejšych abjektaŭ marskoj infrastruktury i padvodnych kabielaŭ, časta ŭdalečyni ad rasijskich bierahoŭ.
Telekampanija paviedamlaje, što asnoŭnym centram vajennaha nazirańnia i aktyŭnaści z boku Rasii stali mora vakoł Paŭnočnaj Jeŭropy: u minułym hodzie sumiesnaje rasśledavańnie, praviedzienaje Šviecyjaj, Danijaj, Narviehijaj i Finlandyjaj, pakazała, što Rasija maje fłot mierkavanych karabloŭ-špijonaŭ, jakija dziejničajuć u vodach Paŭnočnaj Jeŭropy z metaj patencyjnych dyviersij.
Kamientary