Kryminalnuju spravu suprać niekatorych udzielnikaŭ biełsataŭskaj prahramy «Płan: B» prypynili
Fihurantami spravy zrabilisia bolš za dva dziasiatki asobaŭ.
Kryminalnaja sprava suprać niekatorych udzielnikaŭ prahramy «Płan: B» była prypynienaja 5 vieraśnia, paviedamlajuć krynicy «Biełsata».
Pavodle infarmacyi našych krynicaŭ, spravu prypynili ŭ suviazi z tym, što nie ŭdałosia vyjavić miesca znachodžańnia fihurantaŭ. Nie dali nijakich vynikaŭ pieratrusy ŭ miescy ichnaj prapiski i ŭ svajakoŭ, a taksama abviaščeńnie ich u vyšuk.
Spravaju zajmajecca kiraŭnik adździełu kryminalnaha vyšuku adździełu ŭnutranych spravaŭ Homielskaha rajvykankama, padpałkoŭnik milicyi Jaŭhien Pałazkoŭ. Spravu viadzie śledčy Alaksandr Cimaščenia.
Jak paviedamlałasia, 5 červienia homielski rajonny adździeł Śledčaha kamitetu zavioŭ na viadoŭcaŭ i ŭdzielnikaŭ prahramy «Płan: B», jakaja vychodzić na «Biełsacie», kryminalnuju spravu pavodle č. 2 art. 361-4 («Sadziejničańnie ekstremisckaj dziejnaści»), što praduhledžvaje abmiežavańnie voli na termin da čatyroch hadoŭ ci pazbaŭleńnie voli na termin ad dvuch da šaści hadoŭ. Fihurantami spravy zrabilisia bolš za dva dziasiatki asobaŭ.
Pieršy sud za ŭdzieł u tok-šou «Płan: B» užo adbyŭsia i byŭ zavočnym. Fakt udziełu ŭ prahramie błohierki Volhi Pavuk byŭ adnym z epizodaŭ kryminalnaj spravy suprać jaje. Usiaho ŭ spravie było 12 epizodaŭ, ahułam Volzie zavočna prysudzili vosiem hadoŭ źniavoleńnia.
Tok-šou «Płan: B» źjaviłasia na ekranach «Biełsata» na pačatku 2022 hoda. Apošniaje vydańnie tok-šou vyjšła ŭ efir sioleta 27 maja.
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary