Pra heta paviedamiŭ ministr unutranych spraŭ Anatol Kulašoŭ 17 lutaha na sustrečy sa studentami Mižnarodnaha humanitarna‑ekanamičnaha instytuta.
Pavodle jaho słoŭ, heta dazvolić ablehčyć prablemu z parkoŭkaj aŭtatranspartu ŭ horadzie i paŭpłyvać na situacyju z kradziažami z aŭtamašyn. Ministr zaznačyŭ, što pakolki sami prajekty «nie vysokaakupnyja», ciapier haradskija ŭłady šukajuć inviestaraŭ dla ich realizacyi.
Kulašoŭ nahadaŭ, što ŭ Minsku zaraz
zarehistravana kala 650 tysiač adzinak transpartu,
razam z tym u stalicy naličvajecca tolki 250 haražna‑budaŭničych kaapieratyvaŭ, «kudy ŭvieś transpart pastavić niemahčyma», i piać parkinhaŭ.
Apošnim časam było abstalavana taksama bolš jak 200 placovak pry darohach za košt źmianšeńnia vyšyni bardziurnaha kamieniu.
Ministr paviedamiŭ,
što letaś u Biełarusi było ŭčyniena kala 8 tysiač kradziažoŭ z aŭtatranspartu, jaki znachodziŭsia ŭ dvarach i na stajankach.
U Minsku bolš za ŭsio takich złačynstvaŭ učyniałasia ŭ Maskoŭskim, Frunzienskim, Zavodskim i Pieršamajskim rajonach. Niadaŭna była zatrymana hrupa minčan, jakija ŭžo pryznalisia ŭ 45 kradziažach.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary